5G უახლესი და უსწრაფესი მობილური ინტერნეტია, რომლის შესაძლებლობები საბოლოოდ ჯერ კიდევ არ არის გამოყენებული. ის 10-ჯერ უფრო სწრაფია, ვიდრე მისი წინამორბედი 4G. თუ სატელეფონო კომპანიები სწორად დანერგავენ ამ სერვისს, არსებობს მოლოდინი, რომ ის 100-ჯერ უფრო სწრაფი გახდება. სიხშირეების შეძენა კომპანიებს რამდენიმე მილიონი ლარი უჯდებათ - სახელმწიფოს მხრიდან ამ რესურსის განკარგვის უფლება მხოლოდ კომუნიკაციების კომისიას აქვს. შეიძლება ითქვას, რომ ეს აუქციონი „სილქნეტისთვის“ და „მაგთისთვის“ ცხადდება, რადგან რამდენიმე თვის წინ მეხუთე თაობის ინტერნეტის დასანერგად გამოცხადებულ აუქციონში მხოლოდ „სელფი“ („ბილაინი“) მონაწილეობდა და შესაბამისი ლიცენზიებიც მოიპოვა. წინა აუქციონში ყველაზე დიდმა ორმა კომპანიამ („სილქნეტი“ და „მაგთი“) მონაწილეობა არ მიიღო, რადგან ლიცენზიის მიღებასთან ერთად მათ გაუჩნდებოდათ ვალდებულება საკუთარი ინფრასტრუქტურა საბითუმო ფასად (იმაზე იაფად, ვიდრე საკუთარ აბონენტებს შესთავაზებდნენ ზუსტად იმავე სერვისებს) დაეთმოთ კონკურენტებისთვის - ამ შემთხვევაში „ვირტუალური ოპერატორებისთვის“ (დღეს საქართველოში მხოლოდ ერთი ასეთი ოპერატორია - „ჰალო“). კომუნიკაციების კომისია განმარტავს, რომ წელს 5G-ის დასანერგად საჭირო ლიცენზიებს ამ ვალდებულების აღების გარეშე გასცემენ. იმ კომპანიას, რომელიც ამ ვალდებულებას საკუთარი სურვილით აიღებს, კომისია ლიცენზიებს 20-პროცენტიანი ფასდაკლებით მიჰყიდის. საქართველოში სამი GSM ოპერატორია. კომუნიკაციების კომისიის 2023 წლის ანგარიშის მიხედვით, აბონენტების 41% „მაგთიშია“ ჩართული, 34% - „სილქნეტში“, 24% კი - „სელფიში“. მათგან 5G ინტერნეტის სიჩქარე „სელფისა“ და „სილქნეტის“ აბონენტების ნაწილმა გამოცადა. ამ თაობის სრულყოფილი ინტერნეტის დასანერგად სამი დიაპაზონის სიხშირეა საჭირო. ასევე ნახეთ ყველაფერი, რაც 5G ინტერნეტზე უნდა იცოდე: რატომ არის საჭირო, როდის და ვისთვის იქნება „სილქნეტის“ მეხუთე თაობის ინტერნეტი თბილისის რამდენიმე ქუჩაზე იჭერს, „სელფი“ კი - გუდაურსა და ბაკურიანში, ასევე სატესტო რეჟიმში მუშაობს დედაქალაქის დიდ ნაწილსა და ბათუმში. ასევე ნახეთ "სილქნეტმა" 5G თბილისის ცენტრალურ ნაწილში ახალი სიხშირის აღების გარეშე დანერგა* ...