„ბევრი ადამიანი ესწრებოდა, ჰქონდათ სენატორსაც და კონგრესმენსაც შესაძლებლობა შეხვედროდნენ ხელისუფლების წარმომადგენლებს. ჩვენთვის მნიშვნელოვანია, როდესაც არის დიალოგის შესაძლებლობა“, - განაცხადა რეზიდენციიდან გამოსვლის შემდეგ „ქართული ოცნების“ წევრმა და ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა. „გირჩი - მეტი თავისუფლების“ ლიდერმა, ზურა ჯაფარიძემ კი აღნიშნა, რომ არც სენატორსა და არც კონგრესმენს მათგან რაიმე სიახლე არ გაუგიათ: „მიღება იყო არაოფიციალურ გარემოში, ვისაუბრეთ იმ პრობლემებზე, რაც ამ ქვეყანაში არის, მომავალ არჩევნებზე, რას ველოდებით. მათ შორის, რა ტიპის დახმარება იქნება აშშ-დან... ყველაფერი იციან და ყველაფრის საქმის კურსში არიან, არაფერი ისეთი არ გვითქვამს, რომ გაოცებულიყვენ“. შეხვედრას ასევე ესწრებოდნენ: ნინო წილოსანი („ქართული ოცნება“), თინა ბოკუჩავა („ნაციონალური მოძრაობა“), იაგო ხვიჩია („გირჩი“), ბადრი ჯაფარიძე („ლელო“), ალეკო ელისაშვილი („მოქალაქეები“), ანა დოლიძე („ხალხისთვის“), თეონა აქუბარდია (უპარტიო დეპუტატი), გიორგი გახარია („საქართველოსთვის“). ასევე, თავდაცვის ყოფილი მინისტრები ირაკლი ალასანია და თინა ხიდაშელი, პარლამენტის ყოფილი ვიცე-სპიკერი თამარ ჩუგოშვილი. ამერიკელი მაღალჩინოსნები ხვალ, 11 აგვისტოს ჟურნალისტებისთვის პრესკონფერენციას გამართავენ. ასევე ნახეთ შაჰინმა და ტერნერმა ჩიქოვანთან შეშფოთება გამოთქვეს საქართველოს მთავრობის ცრუ ნარატივების გამო - აშშ-ის საელჩო ასევე ნახეთ პრეზიდენტი სალომე ზურაბიშვილი სენატორ ჯინ შაჰინსა და კონგრესმენ მაიკ ტერნერს შეხვდა ასევე ნახეთ სენატორი შაჰინი და კონგრესმენი ტერნერი პრემიერ კობახიძეს შეხვდნენ ასევე ნახეთ არასამთავრობო ორგანიზაციების წარმომადგენლები სენატორ ჯინ შაჰინსა და კონგრესმენ მაიკ ტერნერს შეხვდნენ ეს არის აშშ-ის სენატორისა და კონგრესმენის პირველი ვიზიტი მას შემდეგ, რაც „აგენტების კანონის“ მიღების შემდეგ აშშ-მა საქართველოს დაფინანსების ნაწილი შეუჩერა. უცნობია, უკავშირდება თუ არა მათი ვიზიტი „აგენტების კანონის“ მიღებას. საერთაშორისო პარტნიორების მოწოდების მიუხედავად, საქართველოს პარლამენტმა 28 მაისს დაძლია პრეზიდენტის ვეტო „აგენტების კანონზე“. ეს კანონი უცხოური გავლენის ინტერესების გამტარებლად აცხადებს ყველა არასამთავრობო და მედიაორგანიზაციას, რომლებიც ქვეყნის სტრატეგიული პარტნიორებისგან იღებენ დაფინანსებას. კანონის მიღების შემდეგ, საქართველოს დახმარების ნაწილი უკვე შეუწყვიტა ევროკავშირმა, აშშ-მა კი განუსაზღვრელი ვადით გადადო სამხედრო სწავლება. ასევე საუბარია იმ პროექტების შეჩერებაზე, რომლებსაც აშშ საქართველოში დაავადებათა კონტროლის ეროვნულ ცენტრში ახორციელებდა. ...