რუსეთი გავიდა ეროვნულ უმცირესობათა დაცვის ევროპული ჩარჩო კონვენციიდან. 1 აგვისტოდან შეჩერებულია რუსეთის მონაწილეობა კონვენციაში, თუმცა ამის შესახებ რუსეთის საგარეო საქმეთა სამინისტროს ოფიციალური შეტყობინება ოფიციალურ იურიდიულ პორტალზე მხოლოდ ამ ოთხშაბათს გამოქვეყნდა. რუსეთმა კონვენციას 1996 წელს მოაწერა ხელი. მას ასევე ხელი მოაწერა ევროპის საბჭოს ყველა წევრმა ქვეყანამ, გარდა ანდორისა, მონაკოსა, თურქეთისა და საფრანგეთისა. ბელგიამ, საბერძნეთმა, ისლანდიამ და ლუქსემბურგმა ხელი მოაწერეს, მაგრამ არ მოახდინეს რატიფიცირება. ასევე ნახეთ "მან ჩემი ლეგენდა ჭამა" - გაიცანით რუსი ჯაშუში, რომელიც ყველას ესპანელი ჟურნალისტი ეგონა კონვენცია ადგენს ევროპაში ეროვნული უმცირესობების მიმართ მოპყრობის ძირითად პრინციპებს, როგორებიცაა მათ მიმართ დისკრიმინაციისა და იძულებითი ასიმილაციის აკრძალვა, რელიგიის აღმსარებლობისა და საკუთარ ენაზე თავისუფლად ლაპარაკის თავისუფლება. რუსეთის პრეზიდენტმა ვლადიმირ პუტინმა კონვენციიდან რუსეთის გასვლის შესახებ პროექტი 2023 წლის სექტემბერში წარუდგინა განსახილველად სახელმწიფო დუმას. ის ამტკიცებდა, რომ 2022 წელს უკრაინაში რუსეთის შეჭრის შემდეგ ევროკავშირმა შეზღუდა რუსეთის ექსპერტების უფლებამოსილება კონვენციის დაცვის საკონსულტაციო კაბინეტში და მოსკოვმა ნაწილობრივ დაკარგა შესაძლებლობა, მონიტორინგი გაუწიოს საზღვარგარეთ რუსულენოვანი ადამიანების უფლებების დაცვას. შარშან 19 ოქტომბერს, პუტინის ბრძანებულებით, კონვენცია დენონსირებულ იქნა. 2022 წლის 16 მარტს რუსეთი 26-წლიანი წევრობის შემდეგ გარიცხეს ევროსაბჭოდან. ერთი დღით ადრე საპარლამენტო ასამბლეამ ერთხმად დაუჭირა მხარი რუსეთის გაძევებას. 2023 წლის თებერვლისთვის სახელმწიფო დუმამ მიიღო კანონი რუსეთთან მიმართებით ევროპის საბჭოს 21 ხელშეკრულების, მათ შორის ადამიანის უფლებების კონვენციის შეწყვეტის შესახებ. ასევე ნახეთ “ეს სიმპტომები უკურნებელია” - ეკატერინა შულმანის დიაგნოზი რუსეთს ...