საქართველოს მსჯავრდებული ყოფილი პრეზიდენტი მიხეილ სააკაშვილი ფეისბუკის გვერდზე ეხმაურება გაეროში რუსეთის მუდმივი წარმომადგენლის მოადგილის დმიტრი პოლიანსკის განცხადებას აგვისტოს ომთან დაკავშირებით, რომელმაც პარტია „ქართული ოცნების“ პოლიტსაბჭოს განცხადება გაიმეორა 2008 წლის აგვისტოსთან დაკავშირებით, ყოფილი პრეზიდენტის, მიხეილ სააკაშვილის ბრალეულობაზე. "ის რაც გუშინ ვიხილეთ გაეროში და რაც განსაკუთრებით ბოლო დღეებში გამოჩნდა, არის ერთ-ერთი ყველაზე გაუგონარი ღალატი საქართველოს მრავალსაუკუნოვან ისტორიაში" - წერია სააკაშვილის ფეისბუკის გვერდზე გამოქვეყნებულ პოსტში. "ოკუპირებული საფრანგეთის, ჰიტლერის მარიონეტულ ვიშის მთავრობასაც კი არ მოსვლია აზრად იმ თანამემამულეების გასამართლება, რომლებიც გერმანიის წინააღმდეგ იბრძოდნენ, პირველ მსოფლიო ომში და მეორე მსოფლიო ომის დასაწყისში. ასეთი გააფთრებული, თავზეხელაღებული ღალატი ივანიშვილის ნოუ-ჰაუა და ნათელი სიგნალია ყველასთვის, ვისაც საქართველო უყვარს, ამ რეჟიმის გასაძევებლად. წინააღმდეგ შემთხვევაში, ქართული სახელმწიფო სამუდამოდ გაქრება, მსოფლიო რუკიდან", - წერს სააკაშვილი. რუსეთ-საქართველოს აგვისტოს ომის მე-16 წლისთავზე „ქართულმა ოცნებამ“ გაავრცელა განცხადება, რომლითაც "ნაციონალური მოძრაობის გასამართლება" დააანონსა, მას შემდეგ, რაც ჰააგასა და სტრასბურგში სასამართლო განხილვა საქართველოს გამარჯვებით დასრულდა. ამაზე საკითხზე მმართველი პარტიის "ქართული ოცნების" ცენტრალურ ოფისში გამართულ ბრიფინგზე, შესაბამისი შეკითხვის პასუხად ისაუბრა საქართველოს პრემიერ-მინისტრმა ირაკლი კობახიძემ. მისი თქმით, საქართველოს ხელისუფლებისთვის "ნაკლებად საინტერესოა სხვა რას ამბობს ამ თემასთან დაკავშირებით, ჩვენთვის მნიშვნელოვანია დადგინდეს სიმართლე იმ ღალატზე რომელიც ჩადენილ იქნა 2008 წელს, განსაკუთრებით იმის გათვალისწინებით, რომ ეს ხალხი დღესაც ცდილობს ჩაითრიოს ქვეყენა ომში". ასევე ნახეთ "სააკაშვილის ბრალეულობა არ გამორიცხავს რუსეთის ბრალეულობას" - კობახიძე 2008 წლის ომის გამო "ნაცმოძრაობის" გასამართლებაზე კობახიძის თანახმად, "როდესაც სააკაშვილის რეჟიმმა ჩაიდინა ღალატი, ეს ადამიანები მოქმედებდნენ როგორც უცხოური აგენტურა და შესაბამისად ისინი გამოხატავდნენ არა საქართველოს ინტერესებს, არამედ სხვა ძალების ინტერესებს, მათ ჩაიდინეს ღალატი საკუთარი ქვეყნის წინაშე, აქედან გამომდინარე, მათი დანაშაული ვერ იქნება დაკვალიფიცირებული როგორც საქართველოს სახელმწიფოს დანაშაული, პირიქით მათ ჩაიდინეს დანაშაული სწორედ საქართველოს სახელმწიფოს წინააღმდეგ“. ირაკლი კობახიძის თქმით, "სააკაშვილი რეჟიმის ბრალეულობა არავითარ შემთხვევაში არ გამორიცხავს რუსეთის ფედერაციის ბრალეულ...