კოსოვოს პრეზიდენტმა ვიოსა ოსმანიმ 15 აგვისტოს განაცხადა, რომ ქვეყანამ უნდა უზრუნველყოს მიტროვიცაში, მდინარე იბარზე მდებარე მთავარი ხიდის გახსნა ისე, რომ არ გამოიწვიოს კონფლიქტი კოსოვოს საერთაშორისო პარტნიორებთან. ხიდი ქალაქს ყოფს ალბანელებით დასახლებულ სამხრეთ და უმეტესად სერბებით დასახლებულ ჩრდილოეთ ნაწილებად. ქვეყნის პრემიერ-მინისტრმა ალბინ კურტიმ აგვისტოს დასაწყისში განაცხადა სატრანსპორტო საშუალებებისთვის ხიდის გახსნის გეგმებზე. ამ ნაბიჯის წინააღმდეგი იყვნენ ნატოს და Quint-ის გადაწყვეტილების მიმღები არაოფიციალური ჯგუფის წევრებიც. ამ ჯგუფში შედიან აშშ-ს, საფრანგეთის, გერმანიის, იტალიისა და ბრიტანეთის წარმომადგენლები. ამ განცხადებამ გამოიწვია სერბების პროტესტი ჩრდილოეთ კოსოვოში. მათ შეშფოთება გამოთქვეს, რომ ეს ნაბიჯი გაზრდის ეთნიკურ დაძაბულობას და გავლენას მოახდენს მათ უსაფრთხოებაზე. კოსოვომ და სერბეთმა ხიდის შესახებ შეთანხმებას ბრიუსელში 2014 წელს მიაღწიეს, ხოლო ევროპის კავშირმა მისი აღდგენა 1,5 მილიონი ევროთი დააფინანსა. ხიდი 2017 წელს უნდა გახსნილიყო, თუმცა ამჟამად ის მხოლოდ ფეხით მოსიარულეებისთვის მოქმედებს. ასევე ნახეთ რამ გამოიწვია გამწვავება კოსოვო-სერბეთის საზღვარზე და როგორ რეაგირებს მასზე რუსეთი? ...