83
რუსეთმა კურსკის ოლქში უკრაინის ოკუპირებული ტერიტორიებიდან რამდენიმე ათასკაციანი ბრიგადა გადაისროლა, მაგრამ არ შეუცვლია ფრონტზე არსებული მნიშვნელოვანი ძალები, ამის შესახებ CNN-ი წერს დასავლურ სადაზვერვო სამსახურთან დაახლოებულ წყაროებზე დაყრდნობით. „ითვლება, რომ რუსეთს ასობით ათასი ჯარისკაცი ჰყავს უკრაინის ფრონტზე, ამიტომ ოფიციალური პირები ამბობენ, რომ რამდენიმე ათასის გადაყვანას მოკლევადიან პერსპექტივაში შესაძლოა დიდი შედეგები არ ჰქონდეს“, - წერს CNN-ი "არსებითი გადასროლა არ შეგვინიშნავს და ვერ ვიტყვით რატომ: იმიტომ, რომ ისინი ახლა იწყებენ ჯარების ამოძრავებას, თუ უბრალოდ არაფერი აქვთ გადასაადგილებელი”, - ციტირებს CNN თავის ერთ-ერთ ანონიმურ წყაროს. კიდევ ერთი თანამოსაუბრის თანახმად, რუსეთი, როგორც ჩანს, კურსკის ოლქის დაცვას ძირითადად წვევამდელების ხარჯზე აძლიერებს. მაღალი რანგის ამერიკელი ჩინოვნიკი ამბობს, რომ დაზვერვის მონაცემებით, რუსეთმა უკრაინაში არსებული დანაყოფების გარდა, კურსკის ოლქში პირადი შემადგენლობა გაგზავნა ლენინგრადის სამხედრო ოლქიდან და კალინინგრადიდან. აშშ-ს ეროვნული უსაფრთხოების საბჭოს სტრატეგიული კომუნიკაციების კოორდინატორმა ჯონ კირბიმ CNN-ს განუცხადა, რომ რუსებს სამხედროები გადაჰყავთ და გარკვეული რესურსები გადააქვთ კურსის ოლქში, რათა წინააღმდეგობა გაუწიონ იმას, „რასაც უკრაინელები აკეთებენ“. თუმცა კირბის თქმით, კურსკის ოლქში ძალების გადატყორცნა არ ნიშნავს, რომ „პუტინმა უარი თქვა სამხედრო ოპერაციაზე“ დონბასსა და ზაპოროჟიეში. CNN-ს სხვა თანამოსაუბრემ უთხრა, რომ შთამბეჭდავია უკრაინის შეიარაღებული ძალების მოქმედებები კურსკის ოლქში სამხედრო თვალსაზრისით“, თუმცა უკრაინამ იქ საკმაოდ გამოცდილი ჯარები გაგზავნა, რომლებიც არ უნდა დაიკარგოს. CNN-ის წყარო ამბობს, რომ ბევრი დასავლელი პოლიტიკოსისა და წყაროს თანახმად, უკრაინას გაუჭირდება კურსკის ოლქის ხანგრძლივად დაკავება, ამდენად ჯერ ძალიან ნაადრევია იმის განსჯა, რა გავლენას იქონიებს ის ომის მიმდინარეობაზე. ამავდროულად, CNN-ს რამდენიმე წყარომ უთხრა, რომ შეერთებულ შტატებს არ სურს უკრაინის შეიარაღებული ძალებს მისცეს ამერიკული შორ მანძილზე მოქმედი იარაღის გამოყენების უფლება კურსკის ოლქზე თავდასხმისთვის, არა ესკალაციის რისკის გამო, არამედ იმიტომ, რომ მათ არ შეუძლიათ უკრაინის უზრუნველყოფა ამ რაოდენობის ATACMS -ის რაკეტებით. ამერიკელი სამხედროების თქმით, უფრო გონივრული იქნება ამ რაკეტების გამოყენება მხოლოდ ანექსირებულ ყირიმში არსებულ ობიექტებზე. უკრაინის შეიარაღებული ძალების შეტევა კურსკის რეგიონში 6 აგვისტოს დაიწყო. რეგიონში შემოღებულია ფედერალური მასშტაბის საგანგებო მდგომარეობის რეჟიმი. საერთო ჯამში, საზღვრისპირა რაიონებიდან ევაკუირებულია 120 ათასზე მეტი ადამიანი. ორი ათასზე მეტ პირთან თითქმის ერთი კვი...
