უკრაინის პრეზიდენტმა ვოლოდიმირ ზელენსკიმ პარლამენტში შეიტანა კანონპროექტი სისხლის სამართლის საერთაშორისო სასამართლოს (ICC) რომის სტატუტის და მასთან დაკავშირებული შესწორების რატიფიცირების შესახებ, იტყობინება პრეზიდენტის კანცელარია. უკრაინამ ამ სტატუტს ხელი მოაწერა 2000 წლის იანვარში, მაგრამ იგი რატიფიცირებული არ არის, მიუხედავად იმისა, რომ ეს ევროკავშირთან ასოცირების შესახებ 2014 წლის ხელშეკრულების ერთ-ერთი პირობაა. პრეზიდენტის ადმინისტრაციის ხელმძღვანელის მოადგილის, ირინა მუდრას თანახმად, "რატიფიკაცია გაზრდის სისხლის სამართლის საერთაშორისო სასამართლოს მუშაობის ეფექტიანობას უკრაინის მიმართ, რათა უკრაინის ტერიტორიაზე რუსეთის მოქალაქეების დანაშაულის სამართლებრივი დევნა მოხდეს.“ სისხლის სამართლის საერთაშორისო სასამართლოს რომის წესდება - ან რომის სტატუტი - ხელშეკრულებაა, რომელმაც დააარსა სისხლის სამართლის საერთაშორისო სასამართლო (ICC). ის რომში მიიღეს 1998 წლის 17 ივლისს და ძალაში შევიდა 2002 წლის 1 ივლისს. 2024 წლისთვის სტატუტს ხელი 137 სახელმწიფომ მოაწერა. ის რატიფიცირებულია 124 ქვეყნის მიერ. რუსეთმა აშშ-ის მსგავსად ხელი მოაწერა სტატუტს, მაგრამ შემდეგ უკან წაიღო ხელმოწერა. ასევე ნახეთ საერთაშორისო ექსპერტები პუტინის დაკავების შესახებ სისხლის სამართლის საერთაშორისო სასამართლოს ორდერის გარშემო ...