რუსეთის საგარეო საქმეთა სამინისტროს პრესმდივანმა, მარია ზახაროვამ განაცხადა, რომ უკრაინის ჯარმა რუსეთში, კურსკის ოლქის გლუშკოვოს რაიონში საკვანძო ხიდის ასაფეთქებლად გამოიყენა ამერიკული წარმოების რაკეტები და დახოცა “მოხალისეები”, რომლებიც მოსახლეობის ევაკუაციაში იყვნენ ჩართული. “კურსკის რეგიონს პირველად დაარტყეს დასავლური წარმოების,“ სავარაუდოდ HIMARS-ის ტიპის რაკეტები, განაცხადა ზახაროვამ Telegram-ით გვიან, 16 აგვისტოს გავრცელებულ ცნობაში. მისი ინფორმაციით, “მოხალისეები, რომლებიც სამოქალაქო მოსახლეობას ევაკუაციაში ეხმარებოდნენ” დაიღუპნენ თავდასხმისას, რომლის დროსაც მთლიანად დაინგრა ხიდი მდინარე სეიმზე. ამ ეტაპზე შეუძლებელია ზახაროვას მტკიცების დამოუკიდებელი წყაროს მიერ დადასტურება. რუსეთის უშიშროების სფეროს ოფიციალურ პირთა თანახმად, ხიდის აფეთქების შედეგად ერთმანეთს მოწყდა რეგიონის ორი რაიონი, რამაც გაართულა მოსახლეობის ევაკუაცია. მოსკოვმა არაერთხელ დაადანაშაულა კიევის დასავლელი მოკავშირეები რუსეთის ტერიტორიაზე უკრაინის პირველი სახმელეთო შეტევის მხარდაჭერაში და წახალისებაში. რუსეთის ხელისუფლების ცნობით, რეგიონში უკრაინის არმიის იერიშს რამაც გამოიწვია მოჰყვა 120 000-ზე მეტი მშვიდობიანი მოქალაქის ევაკუაცია, კიევი აცხადებს, რომ 6 აგვისტოს მოულოდნელი შეჭრის შემდეგ 1150 კვადრატული კილომეტრის ფართობზე 82 დასახლება დაიკავა. ვაშინგტონის ოფიციალური პირების თქმით, აშშ ჯერჯერობით მიიჩნევს, რომ შეჭრა არის დამცავი ნაბიჯი, რომელიც ამართლებს აშშ-ს შეიარაღების გამოყენებას. ასევე ნახეთ რუსეთი აცხადებს, რომ უკრაინის არმიამ მდინარე სეიმზე მდებარე ხიდი ააფეთქა კურსკის რეგიონში ...