„ქართული ოცნების“ მიერ საპარლამენტო უმრავლესობის მოპოვებით, მოკლევადიანი, 4-წლიანი ამოცანა წარმატებით შესრულდება - საქართველოში გაიმარჯვებს მშვიდობა, ტრადიციული ფასეულობები და სახელმწიფო სუვერენიტეტის იდეა“, - წერია „ქართული ოცნების“ განცხადებაში. პირველი მიზეზი - „ნაციონალური მოძრაობის“ არაკონსტიტუციურად გამოცხადება ხელისუფლებაში მყოფი „ქართული ოცნება“ მიიჩნევს, რომ ქვეყანაში პოლიტიკური სისტემის გაჯანსაღება „კოლექტიური „ნაციონალური მოძრაობის“ ჩამოშორების გარეშე შეუძლებელია“. „როდესაც ერთი და იგივე პოლიტიკური ძალა სამზე მეტი ვადით ინარჩუნებს ძალაუფლებას, ეს დემოკრატიულ პროცესს გარკვეულწილად ჩრდილს აყენებს. ჯანსაღ დემოკრატიულ სისტემაში გარკვეული პერიოდულობით ერთმანეთს ხელისუფლებაში ერთმანეთზე უკეთესი პოლიტიკური ძალები უნდა ანაცვლებდნენ, რაც დღევანდელ ვითარებაში შეუძლებელია. სრულფასოვანი არჩევნები საქართველოში მხოლოდ მას შემდეგ ჩატარდება, რაც პოლიტიკურ სისტემაში კოლექტიურ „ნაციონალურ მოძრაობას“ ჯანსაღი ოპოზიციური ძალები ჩაანაცვლებენ“. ამავე ნაწილში საუბარია ხორავას ქუჩაზე მოკლული ორი ბავშვის საქმეზე გადაწყვეტილების მიმღებ მოსამართლეზე, „რომელიც უცხოელებისგან დღემდე საეჭვო პრივილეგიებით სარგებლობს, პროკურატურის მიერ წაყენებული ბრალი არ გაითვალისწინა და გაუგებარი განაჩენი გამოიტანა, რამაც საზოგადოების აღშფოთება გამოიწვია“. მეორე მიზეზი - ლგბტ პირთა და გამოხატვის თავისუფლების შემზღუდველი კანონი „ქართულ ოცნებას“ უნდა დაიცვას ამომრჩეველი „ღირსებისგან, მორალისგან და ყოველგვარი იდენტობისგან სრული დაცლის“ საფრთხისგან. მესამე მიზეზი - ტერიტორიული მთლიანობის აღდგენა ქვეყნის ერთ-ერთი უმთავრესი ეროვნული ამოცანა - ტერიტორიული მთლიანობის აღდგენა - მესამე საკითხია, რის გამოც „ქართულ ოცნებას“ არჩევნებში საკონსტიტუციო უმრავლესობის მიღება სურს: „მშვიდობიანი გზით საქართველოს ტერიტორიული მთლიანობის აღდგენის შემთხვევაში, აუცილებელი გახდება საქართველოს კონსტიტუციის ცვლილება, რათა საქართველოს მმართველობის სისტემა და ტერიტორიული სახელმწიფოებრივი მოწყობა ახალ რეალობასთან მოვიდეს შესაბამისობაში“. მეოთხე მიზეზი - დაკონკრეტებული არ არის „არის კიდევ ერთი, მეოთხე საკითხი, რომლის კონსტიტუციით მოწესრიგებასაც საქართველოს თვითმყოფადობისა და ეროვნული ფასეულობების დასაცავად უდიდესი მნიშვნელობა შეიძლება ჰქონდეს. თუმცა, ამ საკითხზე კონსულტაციები კვლავაც გრძელდება და მასზე ჩვენს პოზიციას, სავარაუდოდ, თვის ბოლომდე გაგიზიარებთ“, - წერია განცხადებაში. მომავალი საპარლამენტო არჩევნები საქართველოში 2024 წლის 26 ოქტომბერს ჩატარდება 5%-იანი ბარიერით. ამ ეტაპამდე ჩატარებული არცერთი კვლევით არ დასტურდება, რომ „ქართულ ოცნებას“ საკონსტიტუციო უმრავლესობა ექნება. ...