ანგარიშის თანახმად, საქართველოს ხელისუფლებას ჯერ არ უჩვენებია, რომ ეფექტიანად იძიებენ სამოქალაქო და პოლიტიკურ აქტივისტებზე უკანასკნელ თვეებში მომხდარ ძალადობრივი თავდასხმების ფაქტებს. ანგარიშის მიხედვით, ამ თავდასხმების დაუსჯელობა შემდგომ პოლიტიკურ ძალადობასა და არასტაბილურობას ახალისებს 2024 წლის ოქტომბრის საპარლამენტო არჩევნების წინ. ორგანიზაცია ასევე აღნიშნავს, რომ აპრილის ბოლოდან ივნისის ჩათვლით დაუდგენელი პირები ათზე მეტ აქტივისტს დაესხნენ თავს, რამაც ხშირ შემთხვევაში გამოიწვია აქტივისტების თავისა და სხეულის დაზიანებები. "მიუხედავად იმისა, რომ ხშირ შემთხვევაში პოლიციამ ოფიციალურად გამოძიება დაიწყო, მათ არცერთი პირი არ დაუდგენიათ და არც დაუკავებიათ. ეს არის შემაშფოთებელი ნიშანი იმისა, რომ ისინი არ იღებენ აუცილებელ საგამოძიებო ზომებს, რათა დადგეს დამნაშავე პირთა პასუხისმგებლობა", - წერია ანგარიშში. Human Rights Watch-ი ანგარიშში აღწერს თავდასხმის ექვს შემთხვევას ხუთი პირის, მათ შორის, სტუდენტის, პროფესორის, ახალგაზრდული საპროტესტო ჯგუფის დამფუძნებლის, აქციის მონაწილისა და ოპოზიციური პარტიის ლიდერის წინააღმდეგ. ანგარიშში მოხვდა სამოქალაქო აქტივისტ ნიკო მანაგაძეზე თავდასხმის შემთხვევა, ასევე "ენმ-ის" წევრ დიმიტრი ჩიქოვანის ცემის ფაქტი, ყოფილ დიპლომატზე, უნივერსიტეტის პროფესორ გია ჯაფარიძეზე თავდასხმის ფაქტი და მოძრაობა "სირცხვილიას" დამფუძნებელზე, ზუკა ბერძენიშვილზე თავდასხმის ფაქტი. „აგენტების კანონის“ მოწინააღმდეგე აქტივისტებსა და პოლიტიკოსებს თავს ესხმოდნენ და სცემდნენ დაუდგენელი პირები. 13 ივნისს აქტივისტ ბექა პაპაშვილს სამი პირი ფიზიკურად გაუსწორდა მას შემდეგ, რაც მან "ქართული ოცნების“ დეპუტატ ბექა ოდიშარიას ერთ-ერთ სუპერმარკეტში "რუსო მონა" დაუძახა. მანამდე, 11 ივნისს დილით, სამოქალაქო აქტივისტს, ზუკა ბერძენიშვილს, საკუთარ სახლთან დაესხნენ თავს. ის რამდენიმე დღით ადრე წერდა ჩასაფრებაზე, რომელიც სოფელში მოუწყვეს, თუმცა მაშინ თავის დაღწევა მოახერხა. 11 ივნისს დილით, ბერძენიშვილზე თავდასხმამდე რამდენიმე საათით ადრე, პარლამენტის თავმჯდომარემ შალვა პაპუაშვილმა სოციალურ ქსელში პოსტი გამოაქვეყნა და „ევროპის სახელით მიმდინარე“, „ორგანიზებული და პოლიტიკურად მოტივირებული ტერორის კამპანია“ უწოდა, მისი თქმით, „აღშფოთებული მოქალაქის“ სცენებს. პაპუაშვილი გულისხმობს მოქალაქეთა რეაქციებს მმართველი პოლიტიკური გუნდის წვერების მიმართ. ასევე ნახეთ სამოქალაქო აქტივისტს ზუკა ბერძენიშვილს თავს დაესხნენ შალვა პაპუაშვილი ფეისბუკზე გამოქვეყნებულ პოსტში ახსენებს მოძრაობა "სირცხვილიას" დამფუძნებლებს, სალომე ბარკერსა და ზურა ბერძენიშვილსაც. „ურეკავდნენ პარლამენტის წევრებს მუქარით და შეურაცხყოფით (სალომე ...