შეერთებულმა შტატებმა 23 აგვისტოს დაამატა რუსეთში და მის ფარგლებს გარეთ მოქმედი 400-მდე ფიზიკური და სუბიექტი სანქციების სიას, რაც აშშ-ის მცდელობის ნაწილია, ხელი შეუშალოს რუსეთისთვის იმ პროდუქციის მიწოდებას, რაც სამხედრო მრეწველობას ხმარდება უკრაინაში ომის წარმოებისთვის. „რუსეთის ეკონომიკა კრემლის სამხედრო-სამრეწველო კომპლექსის სამსახურშია“, - განაცხადა ფინანსთა მინისტრის მოადგილემ უოლი ადეემომ. ასევე ნახეთ მოსკოვს სულ უფრო ძვირი უჯდება ახალი „საზარბაზნე ხორცი“ ხაზინა „დღეს აგრძელებს პრეზიდენტ [ჯო] ბაიდენის და “დიდ შვიდეულში (G7) თავისი კოლეგების მიერ აღებული ვალდებულებების შესრულებას”, არ მისცეს მოქმედების შესაძლებლობა რუსეთის სამხედრო-სამრეწველო ობიექტებისთვის პროდუქტის მიწოდებას უცხოეთიდან. უწყებით თანახმად, სანქციების სამიზნეა ტრანსნაციონალური ქსელები. მათ შორის არიან ისეთებიც, რომლებიც, მონაწილეობენ რუსეთისთვის საბრძოლო მასალის მიწოდებაში, რუსი ოლიგარქებისთვის დაწესებული სანქციების თავიდან აცილების ხელშეწყობაში, ოქროს გათეთრებაში რუსეთის ოქროს მწარმოებლებისთვის, რომლებსაც სანქციები აქვთ დაწესებული, ასევე იმ ელემენტების მიწოდებაში, როგორიცაა მოწინავე მანქანა-ხელსაწყოები და ელექტრონული კომპონენტები. ასევე ნახეთ „პუტინი ამ სისტემის ერთ-ერთი დამფუძნებელია“ - ენ ეპლბაუმი მსოფლიოს ავტოკრატების თანამშრომლობაზე, კორუფციაზე, რეპრესიებსა და პროპაგანდაზე ...