ისრაელის მხრიდან განხორციელებულ რამდენიმე საჰაერო იერიშს სამხრეთ ღაზაში ემსხვერპლა 30-ზე მეტი პალესტინელი - აცხადებენ ჯანდაცვის მესვეურები, იმ ფონზე, როცა ოფიციალური პირები მეზობელ ეგვიპტეში იკრიბებიან, მაღალი რანგის სამშვიდობო მოლაპარაკებებისთვის. დაღუპულებს შორის არის ერთი ოჯახის 11 წევრი, მათ შორის ორი ბავშვი - ისინი იმსხვერპლა ხან იუნისში, მათ სახლზე განხორციელებულმა საჰაერო დარტყმამ, იუწყება ნასერის საავადმყოფო, სადაც ქალაქზე და მის შემოგარენზე განხორციელებული სამი საჰაერო იერიშის შემდეგ შევიდა 33 ცხედარი. სამშვიდობო მოლაპარაკება, რომელშიც ევროკავშირის და აშშ-ის მიერ ტერორისტულ ჯგუფად გამოცხადებული ჰამასიც მონაწილეობს, კაიროში 25 აგვისტოსაა დანიშნული. შეხვედრაზე უნდა განიხილონ ცეცხლის შეწყვეტის შეთანხმება, რომლის შუამავლები არიან აშშ, ეგვიპტე და კატარი. ასევე ნახეთ ისრაელის ტანკები ღაზაში ღრმად შეიჭრნენ, მოკლულია 22 ადამიანი, ბაიდენი ისრაელს მშვიდობისკენ მოუწოდებს ...