საქართველოში „ზოლოტაია კორონას“ - გადახდის სისტემის მომხმარებლებს ფულადი გზავნილების მიღების პრობლემები 24 აგვისტოს შეექმნათ. ტექნიკური პრობლემების არსებობა საქართველოს ერთ-ერთმა უმსხვილესმა ბანკმა – „საქართველოს ბანკმა“ დაადასტურა. ამის შესახებ წერს რუსული გამოცემა РБК („როსბიზნესკონსალტინგ“). გამოცემის ცნობით, „ზოლოტია კორონას“ აპლიკაციაში TBC-ის ბარათებზე გადარიცხვის შესაძლებლობა აღდგა თბილისის დროით 21:00 საათისთვის. მოგვიანებით „საქართველოს ბანკის“ კლიენტმაც დაუდასტურა გამოცემას, რომ მანაც შეძლო გადარიცხვა ამ ბანკში. 23 აგვისტოს შეერთებულმა შტატებმა დააწესა სანქციები იმ კომპანიის წინააღმდეგ, რომელმაც შექმნა პროგრამული უზრუნველყოფა „ზოლოტაია კორონასთვის“. რუსული ბანკების წინააღმდეგ სანქციების კონტექსტში და რუსეთის საერთაშორისო საგადახდო სისტემებიდან (Visa, Mastercard) გათიშვის პირობებში, „ზოლოტაია კორონა“ იქცა რუსეთიდან საზღვარგარეთ, მათ შორის საქართველოში ფულის გაგზავნის ერთ-ერთ მთავარ არხად. ასევე ნახეთ „Юнистрим“-ს აშშ-მა სანქციები დაუწესა. საქართველოში გადარიცხვები შეჩერებულია РБК-ის ცნობით, „საქართველოს ბანკი“ აღნიშნავს, რომ „ზოლოტაია კორონასთან“ მუშაობას არ წყვეტს, თუმცა „ტექნიკური პრობლემების“ გამო, ტრანსფერები შესაძლოა განხორციელდეს შეფერხებით ან საერთოდ გაუქმდეს. РБК-ის ცნობით, „ზოლოტაია კორონას“ მეშვეობით 24 აგვისტოს გადარიცხვის შესაძლებლობა კიდევ ერთი მსხვილი ქართული ბანკის, TBC-ის აპლიკაციაში გაქრა. პრობლემები შეექმნათ იმ ადამიანებსაც, რომლებიც ცდილობდნენ ფულადი გზავნილების მიღებას ქართული მიკროსაფინანსო ორგანიზაციის „რიკო ექსპრესის“ ოფისებში. 23 აგვისტოს ამერიკის შეერთებულმა შტატებმა სანქციები დაუწესა „ფინანსური ტექნოლოგიების ცენტრს“, რომელიც ახორციელებს გადახდის პროგრამულ უზრუნველყოფას „ზოლოტაია კორონასთვის“, თავად სისტემა სანქციების ქვეშ არ იმყოფება. სანქციების გვერდის ავლით ბრძოლის გამკაცრების გამო, თანდათან იზღუდება რუსული ბანკებიდან სხვა ქვეყნების ბანკებში, მათ შორის ე.წ. მეგობრულ ბანკებში ( და პირიქით), გადახდების განხორციელების შესაძლებლობები. კერძოდ, გავრცელდა ინფორმაცია, რომ ჩინური ბანკები უარს ამბობენ რუსეთში გადარიცხვებზე ან მნიშვნელოვნად ზღუდავენ ტრანსფერებს. ასევე ნახეთ რუსეთიდან საქართველოში ფულადი გადარიცხვები 400%-ით გაიზარდა ...