საინტერნეტო შეტყობინებების კომპანია Telegram-ის გუნდი გამოვიდა პირველი განცხადებით მას შემდეგ, რაც პარიზში დააკავეს ამ კომპანიის დამფუძნებელი და აღმასრულებელი დირექტორი პაველ დუროვი. Telegram-ის ბლოგში ნათქვამია, რომ დუროვს დასამალი არაფერი აქვს, რომ ის ხშირად მოგზაურობს ევროპაში, ხოლო საკუთრივ კომპანია იცავს ევროკავშირის კანონებს, მათ შორის ციფრული მომსახურების სფეროში. "აბსურდია იმის მტკიცება, რომ პლატფორმას ან მის მფლობელს პასუხისმგებლობა ეკისრება ამ პლატფორმის ბოროტად გამოყენებაზე", - წერია 25 აგვისტოს გამოქვეყნებულ განცხადებაში. ტექსტში ასევე ნათქვამია, რომ Telegram-ით მსოფლიოში სარგებლობს მილიარდამდე ადამიანი და მას იყენებენ როგორც ურთიერთობის და მნიშვნელოვანი ინფორმაციის მიღების წყაროს. საფრანგეთის მედიამ 24 აგვისტოს გაავრცელა ცნობა, რომ პაველ დუროვი საფრანგეთში, ლე-ბურჟეს აეროპორტში დააკავეს. იგი დაკითხეს და გუშაგთა კონტროლის ქვეშ დატოვეს. განცხადებაში აღნიშნული იყო, რომ ბიზნესმენი კერძო თვითმფრინავით ჩაფრინდა აზერბაიჯანიდან. საფრანგეთის ხელისუფლებას ამ საქმეზე ოფიციალური განცხადებები არ გაუკეთებია. რუსეთის სახელმწიფო საინფორმაციო სააგენტო TASS-ი 25 აგვისტოს, დღისით, იუწყებოდა, რომ პარიზის პროკურატურა პრესისთვის განცხადებას გააკეთებს ორშაბათს, 26 აგვისტოს. სააგენტო საკუთრივ პროკურატურის ინფორმაციას ეყრდნობოდა. France-Presse წყაროებზე დაყრდნობით იუწყება, რომ პაველ დუროვი სასამართლოს წინაშე ახლო მომავალში წარდგება. სააგენტოს ინფორმაციით, დაპატიმრების ორდერი გასცა საფრანგეთის უწყებამ, რომელიც ებრძვის არასრულწლოვანთა მიმართ ჩადენილ დანაშაულებს (OFMIN) და ორდერი გაცემულია წინასწარი გამოძიების ფარგლებში, რომელიც მიემართება შესაძლო დარღვევებს, მათ შორის თაღლითობას, ნარკოტიკების უკანონო ბრუნვას, კიბერსივრცეში გავრცელებულ მუქარას, ორგანიზებულ დანაშაულს და ტერორიზმის პროპაგანდას. დუროვს იმაში ადანაშაულებენ, რომ არ გაატარა ზომები თავისი პლატფორმის ბოროტმოქმედთა მხრიდან გამოყენების წინააღმდეგ. "საკმარისია Telegram-ის დაუსჯელობა", - France-Presse წერს, რომ ეს სიტყვები ეკუთვნის ერთ-ერთ გამომძიებელს, რომელიც გაკვირვებულია იმ ფაქტით, რომ დუროვი პარიზში ჩაფრინდა, როცა იცოდა, რომ ეძებდნენ. ტელეარხ TF1-ს წყაროებმა აცნობეს, რომ საფრანგეთის სამართალდამცველების ეჭვით დუროვი - როგორც მესინჯერის შემქმნელი - ხელს უწყობდა ნარკოტიკების უკანონო ბრუნვას, ბავშვთა მიმართ ჩადენილ დანაშაულებს და თაღლითობას. რუსეთის საგარეო საქმეთა სამინისტროს პრესმდივანმა მარია ზახაროვამ 25 აგვისტოს განაცხადა, რომ რუსეთის მხარემ გაგზავნა ნოტა პაველ დუროვთან დაშვების მოთხოვნით, თუმცა პარიზი დუროვის საფრანგეთის მოქალაქეობას მიიჩნევს ძირითად ფაქტორად. რუსული წარმომავლობის დუროვმა...