საფრანგეთში სასამართლომ Telegram-ის დამფუძნებელს, პაველ დუროვს, 48 საათით გაუხანგრძლივა დაკავების ვადა. ამის შესახებ გამოძიებასთან დაახლოებულ წყაროზე დაყრდნობით იუწყება საინფორმაციო სააგენტო AFP. სააგენტო წერს, რომ საფრანგეთის კანონმდებლობით, დაკავების მაქსიმალური დრო შეიძლება 96 საათი იყოს, რის შემდეგაც მოსამართლეს ან დუროვის გათავისუფლება მოუწევს, ან მისთვის ბრალის წაყენება. განსაკუთრებით მძიმე დანაშაულებში ეჭვმიტანილთა დაკავების შემთხვევებში (ნარკოტიკებით ვაჭრობა, ტერორიზმი), პატიმრობა შეიძლება გაგრძელდეს 120 ან 144 საათამდე. იმის შესახებ, რომ Telegram-ის დამფუძნებლისთვის პატიმრობის ვადა შეიძლებოდა გაგრძელებულიყო, სააგენტო Bloomberg-ი წერდა. აღსანიშნავია, რომ საფრანგეთის კანონმდებლობით, პატიმრობის ვადის გახანგრძლივება მხოლოდ ერთხელაა შესაძლებელი. საფრანგეთის ხელისუფლებას პაველ დუროვის საქმესთან დაკავშირებით კომენტარი არ გაუკეთებია, განცხადება მხოლოდ Telegram-ის გუნდმა გაავრცელა. მასში ნათქვამია, რომ კომპანიის დირექტორს დასამალი არაფერი აქვს, რომ ის ხშირად მოგზაურობს ევროპაში და Telegram-ი კი იცავს ევროკავშირის კანონებს. მათ შორის ციფრული მომსახურების სფეროში. "აბსურდია იმის მტკიცება, რომ პლატფორმას ან მის მფლობელს პასუხისმგებლობა ეკისრება ამ პლატფორმის ბოროტად გამოყენებაზე", - წერია 25 აგვისტოს გამოქვეყნებულ განცხადებაში. ტექსტში ასევე ნათქვამია, რომ Telegram-ით მსოფლიოში სარგებლობს მილიარდამდე ადამიანი და მას იყენებენ როგორც ურთიერთობის და მნიშვნელოვანი ინფორმაციის მიღების წყაროს. ასევე ნახეთ Telegram-ის გუნდი პირველი განცხადებით გამოვიდა დუროვის დაკავების შემდეგ საფრანგეთის მედიამ 24 აგვისტოს გაავრცელა ცნობა, რომ პაველ დუროვი დააკავეს საფრანგეთში, ლე-ბურჟეს აეროპორტში. იგი დაკითხეს და გუშაგთა კონტროლის ქვეშ დატოვეს. განცხადებაში აღნიშნული იყო, რომ ბიზნესმენი კერძო თვითმფრინავით ჩაფრინდა აზერბაიჯანიდან. საფრანგეთის ხელისუფლებას ამ საქმეზე ოფიციალური განცხადებები არ გაუკეთებია. რუსეთის სახელმწიფო საინფორმაციო სააგენტო "ტასი" 25 აგვისტოს, დღისით, იუწყებოდა, რომ პარიზის პროკურატურა პრესისთვის განცხადებას გააკეთებს ორშაბათს, 26 აგვისტოს. სააგენტო საკუთრივ პროკურატურის ინფორმაციას ეყრდნობოდა. France-Presse წყაროებზე დაყრდნობით იუწყება, რომ პაველ დუროვი სასამართლოს წინაშე ახლო მომავალში წარდგება. სააგენტოს ინფორმაციით, დაპატიმრების ორდერი გასცა საფრანგეთის უწყებამ, რომელიც ებრძვის არასრულწლოვანთა მიმართ ჩადენილ დანაშაულებს (OFMIN) და ორდერი გაცემულია წინასწარი გამოძიების ფარგლებში, რომელიც მიემართება შესაძლო დარღვევებს, მათ შორის თაღლითობას, ნარკოტიკების უკანონო ბრუნვას, კიბერსივრცეში გავრცელებულ მუქარას, ორგანიზებულ დ...