„ევროპული საქართველო“, „სტრატეგია აღმაშენებელი“, „ნაციონალური მოძრაობა“, „გირჩი - მეტი თავისუფლება", „ძლიერი საქართველო - ლელო, ხალხისთვის, თავისუფლებისთვის“, „ელენე ხოშტარია, ახალი ერთობა - გვარამია, მელია“ დაფინანსებას სრულად ან ნაწილობრივ არ ასაჯაროებენ. ამავდროულად, მათი საარჩევნო კამპანიები და აქტივობები შესაძლოა ფინანსდებოდეს უცხოური დონორი ორგანიზაციების ან სხვა წყაროებიდან, რომლებიც, თავის მხრივ, თანხებს უხდიან ამ პოლიტიკურ პარტიებთან დაკავშირებულ არასამთავრობო ორგანიზაციებს. აღნიშნული სქემით უცხოური ფულით პოლიტიკური პარტიებისა და პროცესის მხარდაჭერა წარმოადგენს საფრთხეს სამართლიანი საარჩევნო პროცესისთვის“, - თქვა რაჟდენ კუპრაშვილმა. მან დღესვე, 27 აგვისტოს, გამოსცა გადაწყვეტილება, რომლითაც კოალიცია „ძლიერ საქართველოში“ შემავალ მოძრაობას ფინანსური ანგარიშების წარდგენა დაავალა. „ანტიკორუფციული ბუროს მიერ მიღებული იქნა გადაწყვეტილება მოძრაობა „თავისუფლების მოედანი“, „აღმოსავლეთ ევროპის ცენტრი მრავალპარტიული დემოკრატიისთვის“ და ამ ორგანიზაციის თავმჯდომარე ლევან ცუცქირიძე და მოძრაობის 24 წევრს დაევალა ფინანსური გამჭვირვალობის უზრუნველყოფა. ეს ნიშნავს, რომ დღეიდან ისინი ვალდებული არიან, ანტიკორუფციულ ბიუროს კანონით დადგენილი წესით წარმოუდგინონ ფინანსური ანგარიშები, რის საჯაროობასაც უზრუნველყოფს ანტიკორუფციული ბიურო“, - განაცხადა რაჟდენ კუპრაშვილმა. მისი თქმით, ორგანიზაცია „აღმოსავლეთ ევროპის ცენტრმა“ „დანიის პარტიებისა და დემოკრატიის ინსტიტუტის მხარდაჭერით“ ჩაატარა „დემოკრატიის ფესტივალი“, რომელსაც, მისი ვარაუდით, ჰქონდა პოლიტიკური შინაარსი და მიმართული იყო მასში მონაწილე პარტიების მხარდაჭერისკენ. ეს ფესტივალი 3 აგვისტოს გაიმართა თელავში და მასში ცესკოც მონაწილეობდა. ანტიკორუფციულ ბიუროზე ადრე ამ ფესტივალის გამართვაში საარჩევნო პრინციპების დარღვევა დაინახა მმართველმა პარტია „ქართულმა ოცნებამ“. ასევე ნახეთ თელავში „დემოკრატიის ფესტივალი“ ჩატარდა - „ოცნება“ ამაში არჩევნებში „უცხოეთის ჩარევას“ ხედავს ანტიკორუფციულ ბიუროს მოგვიანებით განცხადებით უპასუხა „თავისუფლების მოედანმა“: „სულ უფრო ცხადი ხდება, რომ „ქართულ ოცნებას“ აშინებს პოლიტიკურ სფეროში ახალი და სანდო ლიდერების გამოჩენა. მათ ეშინიათ იმ გამოწვევის, რომელსაც ჩვენ ვუქმნით მათ სტატუს კვოს. ბიძინა ივანიშვილის პარტიის სასოწარკვეთა აშკარაა. მათ ეშინიათ სამართლიანი და კონკურენტული არჩევნების“. დამატებით, რაჟდენ კუპრაშვილმა ყველა პარტიას დაავალა, უწყებას მიაწოდონ ინფორმაცია 1 იანვრიდან 31 აგვისტოს ჩათვლით გაწეული ხარჯების შესახებ. ანტიკორუფციული ბიუროს ხელმძღვანელს არ უსაუბრია სახელისუფლებო პარტია „ქართული ოცნების“ საქმიანობის შესახებ ეჭვებზე. ასევე ნახეთ მხოლოდ ერთ დ...