ჩეხეთის პროკურატურამ ფონდ Help Ukraine-ის დამფუძნებელს, ვლადიმირ გერგელს, ბრალი წაუყენა უკრაინელი ლტოლვილების ინტეგრაციის პროგრამებისთვის გამოყოფილი სუბსიდიების მიტაცებაში. ამის შესახებ “ჩეხეთის ტელევიზია” იტყობინება. უკრაინელებისთვის საზოგადოებრივი ცენტრის დაფუძნებისთვის ჩეხეთის განათლების სამინისტროსგან ფონდმა 20 მილიონი ჩეხური კრონი (თითქმის 900 ათასი აშშ დოლარი) მიიღო. ცენტრი 2022 წელს გაიხსნა. სახსრები, კერძოდ, გამოიყო ჩეხური ენის სწავლებისთვის. ხელისუფლების ერთ-ერთი პირობა იყო ადაპტაციის ჯგუფებში უკრაინელი ბავშვების უფასო დაშვება. თუმცა ფონდმა მოსწავლეებისგან თანხა შეაგროვა და ამასთან, მასწავლებლებს რამდენიმე თვის განმავლობაში არ უხდიდა ხელფასებს. “ჩეხეთის ტელევიზიის” ცნობით, სამინისტროსგან პირველი გრანტის მიღებიდან მეორე დღეს, ვლადიმერ გერგელმა ფონდის ანგარიშიდან თავისი დედის ანგარიშზე ორი მილიონი კრონი გადარიცხა. შემდეგ მან კიდევ ექვსი მილიონი კრონი გამოიტანა ნაღდი ფულის სახით და სულ რვა მილიონი კრონი გადაიხადა პრაღაში ბინის შესაძენად. გერგელს სუბსიდირების მიტაცებაში ედება ბრალი. მას 5-დან 10 წლამდე თავისუფლების აღკვეთა ემუქრება. ჩეხეთში დაახლოებით 397 ათასი უკრაინელი ლტოლვილია. პრაღის მერმა ზდენეკ გრჟიბმა 2023 წლის იანვარში განაცხადა, რომ პრაღამ მიიღო დაახლოებით 120 ათასი უკრაინელი რუსეთის სრულმასშტაბიანი შეჭრის დაწყებიდან. მათი, სულ მცირე, მესამედი ბავშვებია. ასევე ნახეთ ევროკომისიამ უკრაინას თითქმის 4,2 მლრდ ევრო გამოუყო უკრაინის დახმარების ფონდიდან ...