უკრაინის თავდაცვის მინისტრმა რუსტემ უმეროვმა დაადასტურა ადრე მედიაში გავრცელებული ინფორმაცია, რომ ვაშინგტონში ვიზიტის დროს მან შეერთებული შტატების ადმინისტრაციის მაღალჩინოსნებს გადასცა რუსეთის ტერიტორიაზე არსებული იმ სამიზნეების სია. ლაპარაკია იმ სამიზნეებზე, რომლებსაც კიევს სურს, რომ შორეული მოქმედების დასავლური წარმოების, პირველ რიგში ამერიკული ATACMS-ის, რაკეტებით, დაარტყას. 26 აგვისტოს ჟურნალმა Politico-მ გაავრცელა ინფორმაცია, რომ ვაშინგტონში ვიზიტის დროს უმეროვი და უკრაინის პრეზიდენტის ოფისის ხელმძღვანელი, ანდრი ერმაკი ამერიკულ მხარეს რუსეთის სიღრმეში არსებული, პოტენციური დარტყმების სამიზნეების სიას გადასცემდნენ. შეერთებული შტატები, რომელმაც უკრაინას საშუალება მისცა გამოიყენოს მის მიერ მოწოდებული იარაღი რუსეთის სასაზღვრო ტერიტორიებზე, ჯერ კიდევ არ აძლევს ასეთ ნებართვას რუსეთის ტერიტორიის სიღრმეში ამ იარაღის გამოყენებისთვის. უკრაინა ამტკიცებს, რომ ასეთი დარტყმები აუცილებელია შორ მანძილზე მოქმედი იარაღისა და ავიაციის მხრივ რუსეთის უპირატესობის გასანაიტრალებლად. უკრაინის პრეზიდენტმა ვოლოდიმირ ზელენსკიმ 26 აგვისტოს დასავლეთის ქვეყნებს კიდევ ერთხელ მოუწოდა, მოუხსნან უკრაინას შეზღუდვა გრძელი რადიუსის იარაღის გამოყენებაზე რუსეთის ტერიტორიის სიღრმეში. ზელენსკის განცხადებას წინ უძღოდა რუსეთის მხრიდან უკრაინაზე განხორციელებული მასშტაბური თავდასხმა, ასზე მეტი რაკეტის და ასამდე დრონის გამოყენებით. აშშ უკრაინის შეიარაღებულ ძალებს კვლავ არ აძლევს უფლებას, ამერიკული იარაღი გამოიყენოს დარტყმებისთვის რუსეთის ტერიტორიის სიღრმეში მდებარე სამიზნეებზე - ამის შესახებ 27 აგვისტოს გამართულ ბრიფინგზე განაცხადა პენტაგონის ოფიციალურმა წარმომადგენელმა, გენერალ-მაიორმა პატრიკ რაიდერმა, იუწყება "ამერიკის ხმა". "უკრაინელებს შეერთებული შტატების მიერ უსაფრთხოების სფეროში გაწეული დახმარების გამოყენება შეუძლიათ თავდაცვისთვის საზღვრის მეორე მხრიდან განხორციელებული თავდასხმებისგან. ანუ სხვა სიტყვებით - საპასუხო ცეცხლისთვის. მაგრამ რაც შეეხება გრძელი მასშტაბის დარტყმებს რუსეთის ტერიტორიის სიღრმეში, ჩვენი პოლიტიკა არ შეცვლილა", - აცხადებს რაიდერი. "ჩვენ რუსეთთან ომს არ ვაწარმოებთ. ჩვენ კონფლიქტს არ ველტვით. ჩვენ უბრალოდ დემოკრატიულ ქვეყანას ვუჭერთ მხარს... და [უკრაინელებს] ვაძლევთ საშუალებას, თავი დაიცვან", - თქვა პენტაგონის წარმომადგენელმა. ასევე ნახეთ „უკრაინას აქვს თავდაცვის უფლება და ის არ სრულდება საზღვარზე“, - სტოლტენბერგი კურსკის ოპერაციაზე 2024 წლის აპრილში გავრცელდა ინფორმაცია, რომ შეერთებულმა შტატებმა უკრაინას გადასცა 300 კმ-მდე სროლის სიშორის ATACMS-ის რაკეტები. ისინი კიევმა უნდა გამოიყენოს მხოლოდ ანექსირებულ ყირიმსა და რუსეთ...