საქართველოს თავდაცვის სამინისტროს განცხადებით, თავდაცვის ძალების დასავლეთის სარდლობის მე-2 ქვეითი ბრიგადის სამხედრო მოსამსახურე, კაპრალი ზურაბ ფისენკო გარდაიცვალა. განცხადებაში ვკითხულობთ, რომ კაპრალი ​სამსახურებრივი მოვალეობის შესრულების დროს დაშავდა, მიიღო სხეულის დამწვრობა და საქართველოში გაწეული სამედიცინო მომსახურების შემდგომ თურქეთის სპეციალიზებულ კლინიკაში გადაიყვანეს. „მაღალი ხარისხის სამედიცინო მომსახურების გაწევის მიუხედავად, მისი გადარჩენა ვერ მოხერხდა“, - ვკითხულობთ განცხადებაში. სამხედრო მოსამსახურის დაშავების შესახებ სამინისტრომ პირველი განცხადება 8 აგვისტოს გაავრცელა. თავდაცვის სამინისტრო ღრმა მწუხარებას გამოხატავს კაპრალ ზურაბ ფისენკოს გარდაცვალების გამო. ...