სოციალური ქსელის Telegram-ის დამფუძნებელმა პაველ დუროვმა თავის არხზე პირველი პოსტი გამოაქვეყნა საფრანგეთში დაკავების შემდეგ. მან თავის გამომწერებს მხარდაჭერისთვის მადლობა გადაუხადა. დუროვის თანახმად საფრანგეთის პოლიცია ოთხი დღის განმავლობაში კითხავდა და ამას იმით ხსნიდა, რომ დუროვი „პასუხისმგებელია სხვა ხალხის მიერ Telegram-ის უკანონო გამოყენებაზე“ და რომ მის მიერ შექმნილი სოციალური ქსელის ადმინისტრაცია ხელისუფლების „მიმართვებს არ პასუხობდა“. დუროვმა მის მიმართ პრეტენზიებს „მოულოდნელობა“ უწოდა. შექმნილ ვითარებას კი „გასაოცარი“, ვინაიდან, როგორც მის პოსტშია ნათქვამი „Telegram-ს თავისი წარმომადგენელი ჰყავს ევროკავშირში, რომელიც კითხვებზე პასუხობს”, ის “პირადად დაეხმარა საფრანგეთში შექმნილიყო ტელეგრამის ცხელი ხაზი ტერორისტულ მუქარასთან საბრძოლველად” და რომ მთელი ამ დროის განმავლობაში “საფრანგეთის ხელისუფლებას მასთან დასაკავშირებლად მრავალი საშუალება” ჰქონდა “დახმარების სათხოვნელად”. დუროვი აღნიშნავს, რომ თუ რომელიმე ქვეყანა ინტერნეტ სერვისით უკმაყოფილოა, მაშინ დამკვიდრებული პრაქტიკა არის საჩივრის შეტანა მთლიანად სერვისის წინააღმდეგ და არა გენერალური დირექტორის დადანაშაულება მესამე პირების მიერ ჩადენილ დანაშაულებში. ”ზოგჯერ ჩვენ ვერ ვეთანხმებით ქვეყნის მარეგულირებელს კონფიდენციალურობასა და უსაფრთხოებას შორის ბალანსზე. ასეთ შემთხვევაში ჩვენ მზად ვართ დავტოვოთ ქვეყანა, ეს ჩვენ ბევრჯერ გაგვიკეთებია, როდესაც რუსეთმა მოგვთხოვა გადაგვეცა „დაშიფვრის გასაღებები“ თვალთვალის გასააქტიურებლად, ჩვენ უარი ვთქვით - და Telegram-ი რუსეთში აიკრძალა. როდესაც ირანმა მოითხოვა მშვიდობიანი მომიტინგეების არხების დაბლოკვა, ჩვენ უარი ვთქვით - და Telegram-ი აიკრძალა ირანში. ჩვენ მზად ვართ დავტოვოთ ბაზრები, რომლებიც ჩვენს პრინციპებთან შეუთავსებელია, რადგან ამას ფულის გულისთვის არ ვაკეთებთ“, - აღნიშნა დუროვმა. ამავდროულად, მან პირობა დადო, რომ მიიღებს ზომებს დამნაშავეებთან საბრძოლველად Telegram-ზე. „ტელეგრამის“ თანადამფუძნებელი პაველ დუროვი 24 აგვისტოს საღამოს დააკავეს პარიზის ლე ბურჟეს აეროპორტში. ის დაკითხეს და წინასწარი დაკავების საკანში მოათავსეს. საფრანგეთში დუროვისთვის წაყენებული ექვსი ბრალდებიდან ერთ-ერთია ხელისუფლებასთან თანამშრომლობაზე უარი. ბრალდებების უმეტესობა ემყარება იმ ფაქტს, რომ „ტელეგრამის“ მესინჯერის გამოყენებით ჩადენილია მძიმე დანაშაულები. დუროვის ადვოკატმა ყველა ბრალდებას აბსურდული უწოდა. ოთხი დღის შემდეგ დუროვი გაათავისუფლეს სასამართლოს მეთვალყურეობით და ხუთი მილიონი ევრო გირაო დაუწესეს. გარდა ამისა, დუროვი ვალდებულია კვირაში ორჯერ გამოცხადდეს პოლიციის განყოფილებაში, მას ეკრძალება საფრანგეთის დატოვება. დუროვმა, რომელიც რუსული წარმოშობისაა, 2021 წელს მიიღო საფრანგეთის...