აშშ-ის პრეზიდენტობის კანდიდატმა რესპუბლიკური პარტიიდან, დონალდ ტრამპმა, კომენტარი გააკეთა რუსეთის პრეზიდენტის, ვლადიმირ პუტინის განცხადებაზე, რომელმაც ხუმრობის მცდელობით განაცხადა, რომ არჩევნებში კამალა ჰარისის კანდიდატურას დაუჭერს მხარს. ამ კვირის დასაწყისში პუტინმა განაცხადა, რომ მისი ფავორიტი აშშ-ის საპრეზიდენტო არჩევნებში იყო ჯო ბაიდენი, მაგრამ რადგან მან მოხსნა თავისი კანდიდატურა და კამალა ჰარისის კანდიდატურას დაუჭირა მხარი, რუსეთიც ჰარისს მიემხრობა. ვისკონსინის შტატში გამოსვლისას ტრამპმა განაცხადა, რომ "ის კარგად იცნობს პუტინს" და რომ "ძალიან განაწყენებულია" მისი განცხადებით კამალას "მხარდაჭერის" შესახებ. საპრეზიდენტო არჩევნებში, რომელიც ნოემბრის დასაწყისში გაიმართება, დემოკრატიული პარტიის კანდიდატი იყო ახლა მოქმედი პრეზიდენტი, ჯო ბაიდენი, რომელიც ზეწოლის ქვეშ მოექცა სხვათა შორის, თავისი თანაპარტიელების მხრიდან, უარი ეთქვა კანდიდატობაზე. ბაიდენმა შეწყვიტა წინასაარჩევნო კამპანია და ასპარეზი დაუთმო ვიცეპრეზიდენტს, კამალა ჰარისს. ასევე ნახეთ ტრამპთან საუბრის შემდეგ მასკი მზადაა ინტერვიუ კამალა ჰარისსაც ჩამოართვას ...