ევროკომისარ ურზულა ფონ დერ ლაიენის განახლებულ ევროკომისიაში უსაფრთხოების, თავდაცვითი მრეწველობისა და კოსმოსის საკითხების კომისარი, სავარაუდოდ, გახდება ლიტველი პოლიტიკოსი ანდრიუს კუბილიუსი. ამის შესახებ Politico იტყობინება. გამოცემა ამ დასკვნამდე მივიდა ევროკომისიის, ევროპარლამენტისა და ევროპული საბჭოს, ასევე ევროპის ქვეყნების ოფიციალურ პირებთან საუბრების შემდეგ. Politico-ს თქმით, ფონ დერ ლაიენმა ადრე აღნიშნა, რომ თავდაცვის საკითხების კომისრის ახალი თანამდებობა უნდა მიეცეს ვინმეს აღმოსავლეთ ევროპიდან. ანდრიუს კუბილიუსი არის ევროპარლამენტის დეპუტატი, რომლის ყურადღების ცენტრშია უცხოური საკითხები. ის გამოცდილი პოლიტიკოსია, ხუთ წელზე მეტი ხნის განმავლობაში მუშაობდა პრემიერ-მინისტრად. კუბილიუსს ეს თანამდებობა ორჯერ ეკავა. ასევე ნახეთ ბრიუსელს დატვირთული შემოდგომა ელის როგორც გამოცემა აღნიშნავს, ის ფართო პატივისცემით სარგებლობს, ვინაიდან ლიეტუვა 2008 წლის ფინანსურ კრიზისში გამოატარა. ის აქტიურად უჭერს მხარს უკრაინას, კერძოდ, აღნიშნავს, რომ აუცილებელია კიევის განუწყვეტელი სამხედრო დახმარება. კუბილიუსი გამოვიდა მოწოდებით, რომ უკრაინის აღსადგენად გამოყენებულ იქნეს დასავლეთში გაყინული რუსული აქტივები. ის გამოვიდა ასევე მოწოდებით, ლიეტუვაში შეიქმნას უწყება, რომელიც მთლიანად უკრაინის საკითხებისადმი იქნებოდა მიძღვნილი. თავად კუბილიუსმა განაცხადა, რომ ევროკომისიამ მომდევნო ხუთი წლის განმავლობაში გაფართოება უნდა მოახდინოს და პრიორიტეტი უნდა იყოს უკრაინის მიღება. სხვადასხვა წყაროს თანახმად, „უკრაინის გაფართოებისა და უკრაინის აღდგენის“ საკითხების აღმასრულებელ ვიცეპრეზიდენტად დაინიშნება ლატვიელი პოლიტიკოსი ვალდის დომბროვსკისი. უკანასკნელ წლებში კუბილიუსი იყო იმ დასავლელ პოლიტიკოსთა შორის, რომლებიც მწვავედ აკრიტიკებენ საქართველოს ხელისუფლება და მას პროდასავლური რეფორმების გატარებას მოუწოდებენ. ...