„ერთიანობა - ნაციონალური მოძრაობის“ წარმომადგენელი, ლაშა ბაქრაძე კულტურის სამინისტრომ გიორგი ლეონიძის სახელობის ქართული ლიტერატურის სახელმწიფო მუზეუმის დირექტორის პოზიციიდან გაათავისუფლა. განცხადებაში, რომელიც სამინისტრომ გამოაქვეყნა, ვკითხულობთ, რომ გადაწყვეტილებას საფუძვლად დაედო ბაქრაძის მიმართ ჩატარებული დისციპლინური წარმოების შედეგები. „ლაშა ბაქრაძემ ჩაიდინა დისციპლინური გადაცდომა, რაც გულისხმობს ზნეობრივ-ეთიკური ნორმების, ქცევის ზოგადი წესების უგულებელყოფას ან დარღვევას, არაეთიკურ საქციელს ან სხვა ქმედებას, რომელსაც შედეგად მოჰყვა დაწესებულების დისკრედიტაცია, მიუხედავად იმისა სამსახურშია იგი ჩადენილი თუ მის გარეთ. დასკვნის საფუძველზე, ქართული ლიტერატურის სახელმწიფო მუზეუმის დირექტორი ლაშა ბაქრაძე დაკავებული თანამდებობიდან გათავისუფლდა“, - წერს კულტურის სამინისტრო. განცხადებაში ვკითხულობთ, რომ ლაშა ბაქრაძის 3 სექტემბრის განცხადება ზიანს აყენებს მისი, როგორც ქართული ლიტერატურის მუზეუმის დირექტორის რეპუტაციას და ლახავს მუზეუმის ავტორიტეტს. სამინისტრო მიიჩნევს, რომ ლაშა ბაქრაძის განცხადება „ლახავს როგორც ამ განცხადების ადრესატთა, ასევე ქალთა სქესის ნებისმიერი წარმომადგენლის ღირსებას, რითაც სცილდება გამოხატვის თავისუფლების ფარგლებს“. ბაქრაძის განცხადება კულტურის სამინისტრომ დისკრიმინაციულად შეაფასა. „პროფესიული დისკუსიების დროსაც კი ის გამოირჩევა მისთვის სხვა მხრივ მიუღებელი ქალების მიმართ სექსისტური განცხადებებით და ინტელექტუალიზმით შეფუთული უდიერი დამოკიდებულებით“, - წერს სამინისტრო. ამავე ინფორმაციით, ლაშა ბაქრაძე 5 სექტემბერს კულტურისა და სპორტის სამინისტროში იმყოფებოდა, სადაც მან ახსნა-განმარტებით ბარათში აღნიშნა, რომ „არასწორი სიტყვა“ გამოიყენა“. კულტურის განცხადების თანახმად, „ახსნა-განმარტების მიცემისას გამოირკვა, რომ ლაშა ბაქრაძემ წინა დღით, 4 სექტემბერს, განცხადებით მიმართა მუზეუმის დირექტორს (საკუთარ თავს) და გამოსცა დირექტორის ბრძანება N50, რომლითაც საკუთარი თავი შვებულებაში გაუშვა 5 ოქტომბრის ჩათვლით“. შესაბამისად, 9 სექტემბერს გამოცემული ბრძანების თანახმად, ლაშა ბაქრაძე დირექტორის თანამდებობას აღარ დაიკავებს 6 ოქტომბრიდან. სამინისტროს ინფორმაციით, ლაშა ბაქრაძე სსიპ გიორგი ლეონიძის სახელობის ქართული ლიტერატურის სახელმწიფო მუზეუმის დირექტორის თანამდებობაზე დაინიშნა 2010 წლის 16 მარტს, განუსაზღვრელი ვადით. ლაშა ბაქრაძემ რადიო რადიო თავისუფლებას უთხრა, რომ მოულოდნელი არ ყოფილა დირექტორის პოზიციიდან მისი გათავისუფლება. „დიდი ხანია მოველი, რომ თანამდებობიდან გამათავისუფლებენ. მოგეხსენებათ, რომ მანამდეც, სანამ პირდაპირ პოლიტიკურ საქმიანობას დავიწყებდი, ყოველთვის კრიტიკულად ვიყავი განწყობილი. კარგად მოგეხსენებათ, რომ დემონსტრაციებზე, მიტინგებზე აქტ...