აზერბაიჯანი "მისაღებად" მიიჩნევს ყაზახეთის წინადადებას ბაქოსა და ერევანს შორის სამშვიდობო ხელშეკრულების შესახებ მოლაპარაკების ასტანაში გამართვის თაობაზე - განაცხადა აზერბაიჯანის პრეზიდენტმა, ილჰამ ალიევმა სატელეფონო საუბარში ყაზახეთის პრეზიდენტთან, ყასიმ-ჟომარტ ტოყაევთან. ამ ცნობას 9 სექტემბერს ავრცელებს ალიევის პრესსამსახური. მაისში აზერბაიჯანის და სომხეთის საგარეო საქმეთა მინისტრებმა ასტანაში გამართეს შეხვედრა, სამშვიდობო მოლაპარაკების განხილვის მიზნით. ალიევმა გასულ კვირაში თქვა, რომ აზერბაიჯანმა და სომხეთმა უკვე შეათანხმეს ხელშეკრულების ტექსტის 80-მდე პროცენტი. ბაქო კვლავ აცხადებს, რომ სურს სომხეთის კონსტიტუციიდან ამოღებულ იქნეს ჩანაწერი მთიანი ყარაბაღის გაერთიანებაზე სომხეთთან. აზერბაიჯანმა ამ რეგიონზე კონტროლი აღიდგინა 2023 წლის სექტემბერში, სწრაფი სამხედრო ოპერაციის შედეგად. ასევე ნახეთ ილჰამ ალიევის თქმით, ერევანი დათანხმდა სამშვიდობო შეთანხმების ტექსტის 80 პროცენტს ...