ბათუმში გაიმართა აზერბაიჯანი-საქართველო-თურქეთის თავდაცვის სამმხრივი მინისტერიალი. აზერბაიჯანის რესპუბლიკის თავდაცვის მინისტრს, გენერალ-პოლკოვნიკ ზაქირ ჰასანოვსა და თურქეთის რესპუბლიკის ეროვნული თავდაცვის მინისტრს, იაშარ გიულერს საქართველოს თავდაცვის მინისტრმა ირაკლი ჩიქოვანმა უმასპინძლა. სამმხრივ შეხვედრამდე საქართველოს თავდაცვის მინისტი ცალ-ცალკე შეხვდა აზერბაიჯანელ და თურქ კოლეგებს. თავის მხრივ შეხვედრა გამართეს ზაქირ ჰასანოვმა და იაშარ გიულერმაც. როგორც საქართველოს თავდაცვის სამინისტროს პრესრელიზი წერია, ირაკლი ჩიქოვანმა თურქეთის თავდაცვის მინისტრს იაშარ გიულერს საქართველოს სუვერენიტეტის, ტერიტორიული მთლიანობისა და ნატო-ში გაწევრიანების გზაზე თურქეთის ურყევი მხარდაჭერისათვის მადლობა გადაუხადა ისაუბრეს სამხედრო-საგანმანათლებლო, ფინანსურ და მატერიალურ-ტექნიკურ დახმარებისა და საერთაშორისო სწავლებებში ერთობლივ მონაწილეობის საკითხებზე. “განსაკუთრებით აღინიშნა ნატო-საქართველოს არსებითი პაკეტით გათვალისწინებული ინიციატივების განხორციელების საქმეში თურქეთის წვლილი”, - ნათქვამია საქართველოს თავდაცვის სამინისტროს განცხადებაში. აზერბაიჯანელ კოლეგასთან ორმხრივ შეხვედრაზე თავდაცვის მინისტრებმა “მეზობელ ქვეყნებს შორის არსებული მეგობრული ურთიერთობის, რეგიონში მშვიდობისა და სტაბილურობის ხელშეწყობის მნიშვნელობაზე ისაუბრეს”. ასევე შეეხნენ სამხედრო განათლების საკითხებს/ აზერბაიჯანული მედია ქვეყნის თავდაცვის სამინისტროზე დაწყობით წერს, რომ ირაკლი ჩიქოვანთან შეხვედრისას ზაქირ ჰასანოვმა “სამხედრო თანამშრომლობის პერსპექტივები და ერთობლივი წვრთნების ინტენსივობის გაზრდის საკითხი” , ასევე რეგიონში მშვიდობისა და უსაფრთხოების უზრუნველყოფის საკითხები განიხილეს. თურქული საინფორმაციო სააგენტო ანადოლუს მიხედვით საქართველოში გამართულ სამმხრივ შეხვედრამდე თურქეთისა და აზერბაიჯანის თავდაცვის მინიტრებმაც გამართეს შეხვედრა. სხვა დეტალებს სააგენტო არ წერს. საქართველოს თავდაცვის უწყების თანახმად, სამმხრივ შეხვედრზე ირაკლი ჩიქოვანმა „კიდევ ერთხელ დაადასტურა საქართველოს მზადყოფნა, წვლილი შეიტანოს სამხრეთ კავკასიაში მშვიდობისა და კონსტრუქციული თანამშრომლობის ხელშეწყობის პროცესში“. „აღინიშნა, რომ ერთობლივი წვრთნები, ექსპერტთა დონის შეხვედრები და სამმხრივი კურსები კიდევ უფრო აახლოებს სამხედრო მოსამსახურეებს და ზრდის მათი თავსებადობის დონეს“, - ნათქვამია საქართველოს თავდაცვის სამინისტროს პრესრელიზში. შეხვედრის დასასრულს მინისტრებმა ერთობლივი განცხადება გააკეთეს. три აზერბაიჯანი-საქართველო-თურქეთის თავდაცვის სამმხრივი მინისტერიალი წლებია ტარდება და მას, მონაცვლეობით მასპინძლობს სამი მონაწილე ქვეყანა. ...