წინასაარჩევნო პერიოდში ყველა საერთო მაუწყებელი ვალდებულია არჩევნებში მონაწილე კვალიფიციურ სუბიექტებს დაუთმოს სარეკლამო დრო უფასოდ, ვიდეორგოლის შინაარსზე ტელეარხი პასუხს არ აგებს. მმართველი პარტიის საარჩევნო კლიპში, რომლის განთავსებაზეც „მთავარმა არხმა“ უარი თქვა, ჩანან სამოქალაქო აქტივისტები და არასამთავრობო ორგანიზაციის წარმომადგენლები და ისმის მოწოდება: „უთხარი არა საზოგადოების მორალურ გადაგვარებას და აირჩიე ტრადიციული ფასეულობები“. კადრი ვიდეორგოლიდან, რომლის განთავსებაზეც „მთავარმა არხმა“ უარი თქვა. ვოდეორგოლის მეორე ნაწილში ჩნდება პოლიტიკოსების ფოტოები, მათ შორის ჩანს ოპოზიციაში გადასული გიორგი გახარიაც, რომელიც „ქართული ოცნების“ მმართველობის დროს წლების განმავლობაში მინისტრისა და პრემიერის თანამდებობას იკავებდა - ამ ფოტოსურათების გამოჩენის დროს კლიპში ისმის - „უთხარი არა ბნელ წარსულს და აირჩიე საქართველოს ნათელი და ევროპული მომავალი“. კადრი ვიდეორგოლიდან, რომლის განთავსებაზეც „მთავარმა არხმა“ უარი თქვა. „[კომისიამ] მიიჩნია, რომ სადავო პოლიტიკურ რეკლამაში არ ჩანს სიძულვილის ან ძალადობის წაქეზება, ან მოწოდება ძალადობისკენ. საარჩევნო სუბიექტის მიერ დამზადებული ვიდეორგოლი ემსახურება პოლიტიკური გაერთიანების წინასაარჩევნო ხედვის წარდგენას. შესაბამისად, წარმოდგენილი ვიდეორგოლი არ არღვევს მოქმედი კანონმდებლობის მოთხოვნებს და მაუწყებელი ვალდებული იყო ის ეთერში განეთავსებინა“, - წერია კომუნიკაციების კომისიის გავრცელებულ განცხადებაში. სამართალდარღვევათ ოქმი კომისიამ სასასმართლოს გადაუგზავნა. სასამართლოს გადასაწყვეტია, რა ტიპის სანქციას გამოიყენებს და გაათავისუფლებს თუ არა ტელეარხს ადმინისტრაციული პასუხისმგებლობისგან. ...