ტორონტოს საერთაშორისო კინოფესტივალის(TIFF) ორგანიზატორებმა გადაწყვეტილება შეცვალეს და ამ კვირაში აღარ აჩვენებენ რუსი დოკუმენტალისტის, ანასტასია ტროფიმოვას ფილმს „რუსები ომში“, რომლის მთავარი გმირები უკრაინის წინააღმდეგ ომის მონაწილე რუსი ჯარისკაცები არიან. ფილმის ჩვენება 13-15 სექტემბერს იყო დანიშნული. TIFF-ის ოფიციალურ ვებსაიტზე 12 სექტემბერს გამოქვეყნებულ განცხადებაში მიზეზად დასახელებულია „სერიოზული საფრთხე”, რომელიც ფესტივალის საქმიანობას და საზოგადოებრივ უსაფრთხოებას ემუქრება. განცხადებიდან არ ჩანს, კონკრეტულად რა სახის საფრთხეზეა საუბარი. ორგანიზატორების თანახმად, მათი თავდაპირველი პოზიცია, რომ ფილმი ფესტივალის პროგრამაში ადგილს იმსახურებს, უცვლელია, თუმცა ფესტივალის სტუმრების, პერსონალის და მოხალისეების უსაფრთხოების უზრუნველსაყოფად „უპრეცედენტო ნაბიჯი“ გადადგეს და მიიღეს „რთული გადაწყვეტილება“, რომ ამ კვირაში ფილმს აღარ აჩვენებენ. TIFF-ის განცხადებით, „რუსები ომში“ ნაჩვენები იქნება, სხვა, უსაფრთხო დროს. ტორონტოს 49-ე საერთაშორისო კინოფესტივალი 5 სექტემბერს გაიხსნა და 15 სექტემბერს დასრულდება. ასევე ნახეთ “ჩვეულებრივი ბიჭები” - ვენეციაში აჩვენეს "პროვოკაციული" ფილმი რუს ჯარისკაცებზე უკრაინა ანასტასია ტროფიმოვას დოკუმენტურ ფილმს რუსეთის ფართომასშტაბიანი შეჭრის გამართლების მცდელობად აფასებს და ხაზს უსვამს, რომ ფილმის ავტორი წარსულში მუშაობდა რუსულ პროპაგანდისტულ ტელეკომპანია RT-ში. თავად ტროფიმოვა ირწმუნება, რომ ომის წინააღმდეგ მიმართული ფილმი რუსეთის თავდაცვის სამინისტროსთან შეუთანხმებლად გადაიღო. უკრაინის პროტესტის მიუხედავად, „რუსები ომში“ 6 სექტემბერს აჩვენეს ვენეციის საერთაშორისო კინოფესტივალზე. რამდენიმე დღეში იგივე გადაწყვეტილება მიიღეს კანადაშიც, ტორონტოს საერთაშორისო კინოფესტივალის ორგანიზატორებმაც. მათ განცხადებაში, რომელიც 11 სექტემბერს გამოქვეყნდა, ეწერა, რომ კანადის და საფრანგეთის თანადაფინანსებით გადაღებული „რუსები ომში“ პროპაგანდისტულ ფილმად ვერ ჩაითვლება, რადგან რუსეთის სამთავრობო დაწესებულებების ნებართვის და მონაწილეობის გარეშეა გადაღებული. ერთი დღით ადრე, 10 სექტემბერს ტორონტოში გაიმართა საპროტესტო აქცია, რომლის მონაწილეები მოითხოვდნენ საფესტივალო პროგრამიდან ფილმის ამოღებას. ასევე ნახეთ უკრაინის პროტესტის გამომწვევ ფილმს კიდევ ერთ საერთაშორისო კინოფესტივალზე აჩვენებენ უკრაინის გენერალურმა კონსულმა ტორონტოში ოლეგ ნიკოლენკომ, რომელიც საერთაშორისო კონოფესტივალზე ტროფიმოვას ფილმის ჩვენებას ამაზრზენს უწოდებდა, გადაწყვეტილების შეცვლის შემდეგ განაცხადა, რომ ორგანიზატორებმა ერთადერთი სწორი გადაწყვეტილება მიიღეს. ნიკოლენკოს თქმით, უკრაინა მშვიდობიანი და კანონიერი საშუალებებით მთელ მსოფლიოში გაა...