აშშ-ის პრეზიდენტი, ჯო ბაიდენი და ბრიტანეთის პრემიერ-მინისტრი, კირ სტარმერი 13 სექტემბერს ვაშინგტონში გამართავენ შეხვედრას, იმ ფონზე, როცა უკრაინა სულ უფრო ინტენსიურად ითხოვს შემსუბუქდეს შეზღუდვები, რომლებიც მას დაწესებული აქვს აშშ-ის და ბრიტანეთის მიერ მიწოდებული იარაღის გამოყენებაზე, რუსეთის წინააღმდეგ. მოლაპარაკების ფონია გამოკვეთილი ნიშნები, რომ თეთრი სახლი, შესაძლოა, განიხილავდეს ცვლილებას ამ საკითხის მიმართ თავის პოლიტიკაში. მოსკოვი გამოდის მკაცრი გაფრთხილებით, უკრაინისთვის რუსეთის სიღრმეში დარტყმების განხორციელებაზე ნებართვის გაცემის თაობაზე. რუსეთის პრეზიდენტმა, ვლადიმირ პუტინმა 12 სექტემბერს განაცხადა, რომ ამ საკითხის მიმართ პოლიტიკის შეცვლა და უკრაინისთვის რუსეთის წინააღმდეგ გრძელი რადიუსის იარაღის გამოყენებაზე ნებართვის გაცემა იქნება ნიშანი, რომ ნატო "ომშია" რუსეთთან. მიმდინარე კვირაში კიევში ჩავიდნენ აშშ-ის სახელმწიფო მდივანი, ენტონი ბლინკენი და ბრიტანეთის საგარეო საქმეთა მინისტრი, დევიდ ლემი. მათი ვიზიტის დროს უკრაინის ოფიციალურმა პირებმა განაახლეს თხოვნა დასავლეთის მიერ მიწოდებული გრძელი რადიუსის იარაღის გამოყენებაზე რუსეთის ტერიტორიის სიღრმეში მდებარე სამიზნეებისთვის. ასევე ნახეთ ბლინკენი და ლემი კიევში ჩავიდნენ, მხარდაჭერის ნიშნად ...