ოლიმპიურმა ჩემპიონმა თავისუფალი სტილით ჭიდაობაში და „ქართული ოცნების“ საარჩევნო სიის წევრმა გენო პეტრიაშვილმა „ინსტაგრამზე“ დაწერა, რომ ემიჯნება სალომე ზურაბიშვილის პოლიტიკურ შეხედულებებს. „ჩვენ არასდროს გაგვიცვლია სამშობლო, ხალხისა და გულშემატკივრის სიყვარული! ეს არის უდიდესი გამარჯვება და მონაპოვარი ყოველი ჩვენგანისა! ის, რაც პრეზიდენტმა ზურაბიშვილმა განაცხადა, არის მიუღებელი და არაკორექტული. ვემიჯნები მის პოლიტიკურ შეხედულებებს და სწორედ ამიტომ მეც, ისევე როგორც ჩემს მეგობრებს, მიმაჩნია, რომ ჩვენს სამშობლოს სჭირდება ღირსეული პრეზიდენტი“, – დაწერა მან. три მანამდე ოლიმპიურმა ჩემპიონმა, ძიუდოისტმა ლაშა ბექაურმა პრეზიდენტის მიერ ოლიმპიელებისა და პარალიმპიელების დაჯილდოების შემდეგ განაცხადა, რომ მისთვის სალომე ზურაბიშვილის პოლიტიკური შეხედულებები "მიუღებელია". ამის შესახებ მან ღონისძიების შემდეგ მედიასთან ისაუბრა. ასევე ნახეთ ბექაური: პრეზიდენტის პოლიტიკურ პოზიციას ვემიჯნები, ჩემთვის მიუღებელიც არის 13 სექტემბერს საქართველოს პრეზიდენტმა, სალომე ზურაბიშვილმა ოლიმპიელები და პარალიმპიელები ღირსებისა და ბრწყინვალების ორდენებით დააჯილდოვა. ათონელის რეზიდენციის წინ გაიმართულ ღონისძიებაზე პრეზიდენტმა ჯილდო გადასცა პარალიმპიურ და ოლიმპიურ პრიზიორებს, ასევე ოლიმპიური ნაკრების წევრებს. პრეზიდენტმა ცერემონიაზე მიიწვია ხელისუფლების წარმომადგენლები, მათ შორის, პრემიერ-მინისტრი, თუმცა ღონისძიებას არცერთი მათგანი არ დაესწრო. ასევე ნახეთ „კრიზისი“? „კობახიძის გუნდის შიდა გამარჯვება“? - რას ამბობს „ოცნების“ სიის ოცეული მმართველ პარტიაზე ...