კვირას ცენტრალური ევროპის ქვეყნების მოსახლეობა და ხელისუფლებები განაგრძობენ ბრძოლას კოკისპირული წვიმებისა და წყალდიდობის წინააღმდეგ. რუმინეთის ხელისუფლების წარმომადგენლებმა განაცხადეს, რომ მინიმუმ ოთხი ადამიანი დაიღუპა და კიდევ ორი უგზო-უკვლოდ დაიკარგა. პოლონეთში ერთი ადამიანი დაიხრჩო, ჩეხეთის რესპუბლიკაში კი ოთხი ადამიანი დაიკარგა უგზო-უკვლოდ. ისტორიულად ძლიერი წვიმების გამო სწრაფი რეაგირების სამსახურები მობილიზებულია რუმინეთის, ავსტრიის, ჩეხეთისა და პოლონეთის დაბლობ რაიონებში. პოლონეთში მოსახლეობის ევაკუაცია განხორციელდა მას შემდეგ, რაც დაიტბორა ჯებირი ქალაქ მიეძიგუჟეში და, ადგილობრივი ხელისუფლების თანახმად, „კრიტიკული“ ვითარება შეიქმნა. რუმინეთში წყალდიდობის შედეგად მძიმე ვითარებაა რვა რაიონის 20-მდე მუნიციპალიტეტში. ათასობით სახლი დაზიანდა, ზარალი მიადგა ათიათასობით ადამიანს, რომელთაგან ბევრი ევაკუირებულ იქნა. რუმინეთის პრემიერ-მინისტრმა მარჩელ ჩოლაკუმ ერთ-ერთ ყველაზე უფრო ჩრდილო რაიონში, გალაცში, ვიზიტისას განაცხადა, რომ ადამიანების სიცოცხლის გადარჩენა ხელისუფლების უპირველესი პრიორიტეტია. ასევე ნახეთ ძლიერი წვიმის ფონზე ცენტრალური ევროპის ქვეყნებში წყალდიდობისთვის ემზადებიან როგორც გალაცის საოლქო საბჭოს ხელმძღვანელმა კოსტელ ფოტამ თქვა 15 სექტემბერს დილით, სტიქიის გამო მარტო ამ რაიონში მინიმუმ 24 დასახლებული პუნქტის 20 ათასზე მეტი ადამიანია მძიმე მდგომარეობაში. ფოტეას თანახმად, ინჟინრები ცდილობენ შეაფასონ, რა მდგომარეობაშია ხიდები და გზები, რომელთაგან ბევრი დაზიანებული ან ჩაკეტილია. три ...