სულ მცირე, 10 ადამიანია დაღუპული წყალდიდობის შედეგად ცენტრალურ და აღმოსავლეთ ევროპაში. ამის შესახებ სააგენტო Reuters-ი იუწყება. შტორმ „ბორისით“ გამოწვეული კოკისპირული წვიმის შედეგად ადიდებულმა მდინარეებმა რუმინეთში, პოლონეთში, ჩეხეთსა და სლოვაკეთში დაანგრიეს და დატბორეს ათასობით სახლი და სხვა შენობები. დანგრეულია ხიდები და გზები. წყალდიდობა გასულ კვირაში დაიწყო. 16 სექტემბრის დილის მონაცემებით, ყველზე მეტი, ექვსი, ადამიანი რუმინეთში დაიღუპა. განსაკუთრებით რთული ვითარება ქალაქ გალაცის რაიონშია. რუმინეთში წყალში ჩაძირული სახლიდან გაჰყავთ ერთ-ერთი სოფლის ხანდაზმული მცხოვრები. მსხვერპლია პოლონეთსა და ჩეხეთშიც. წყალდიდობის გამო განსაკუთრებით რთული ვითარებაა ორი ქვეყნის ერთმანეთთან მოსაზღვრე რაიონებში. სტიქიის ზონიდან ევაკუირებულია ათასობით ადამიანი. მდინარე დუნაი კალაპოტიდან გადავიდა სლოვაკეთშიც. წყალდიდობა ბრატისლავაში. 2024 წლის 16 სექტემბერი ავსტრიაში, სადაც დედაქალაქ ვენის გარშემო არსებული ტერიტორია გასულ კვირაში გამოცხადდა სტიქიური უბედურების ზონად, 16 სექტემბერს მდინარეებში წყლის დონემ შედარებით იკლო. Reuters-ის ცნობით, მოქალაქეთა ევაკუაციის ოპერაციისას ერთი მაშველი დაიღუპა. ...