ნატო მუშაობს სამხედრო წარმომადგენლობის განთავსებაზე ჩრდილოეთ ფინეთში, სადაც ლიდერის როლის შესრულება შვედეთს შეეძლება. ეს მოიცავს წინმავალი სახმელეთო ძალების (FLF) სახელით ცნობილი, ნატოს მრავალეროვნული წარმომადგენლობის ადგილზე ყოფნის მოდელს, და ჰგავს ალიანსის იმ წევრ ქვეყნებში განთავსებულ ძალებს, რომლებიც ასევე რუსეთს ესაზღვრებიან - თქვეს შვედეთის თავდაცვის მინისტრმა, პოლ იუნსონმა და ფინეთის თავდაცვის მინისტრმა, ანტი ჰიაკიანენმა სტოკჰოლმში გამართულ პრესკონფერენციაზე. ფინეთის თავდაცვის სამინისტროს ცნობით, სამხედრო წარმომადგენლობის ადგილზე ყოფნის შესახებ პროექტი ჯერ კიდევ ივნისში დამტკიცდა, ნატოს ქვეყნების თავდაცვის მინისტრების სამიტზე - თუმცა ახლა მას შვედეთის ხელისუფლების თანხმობა ესაჭიროება. პროექტის დეტალები ჯერჯერობით ცნობილი არ არის. ფინეთი ნატოს წევრი ოფიციალურად გახდა 2023 წლის აპრილში, რაც წარმოადგენდა ამ სახელმწიფოს სამხედრო მიუმხრობლობის პოლიტიკის ისტორიულ ცვლილებას. ასევე ნახეთ ფინეთის პრემიერ-მინისტრი: უკრაინას უფლება აქვს, სამხედრო ოპერაცია გაატაროს კურსკის ოლქში ...