„გირჩმა“, რომელიც საპარლამენტო არჩევნებში დამოუკიდებლად აპირებს მონაწილეობას, პარტიული სია გამოაქვეყნა. მას „გირჩის“ თავმჯდომარე იაგო ხვიჩია ლიდერობს, სიაში კი დეპუტატობის 25 კანდიდატია. იაგო ხვიჩა სანდრო რაქვიაშვილი ვახო მეგრელიშვილი ჰერმან საბო გიორგი ჭაუჭიძე ლევან ჯგერენაია მალხაზ ჭანია ეკა ონიანი უჩა ბარბაქაძე რუსკა აბუაშვილი ნიკა ნადირაძე ზურა ბუხნიკაშვილი ოთარ ზაკალაშვილი ლუკა ცისკარიშვილი ნოდარ სირბილაძე ავთო ლაბაძე აბესალომ დაბახიშვილი ბექა მუზაშვილი ბექა ზანდუკელი თორნიკე მითიაშვილი დავით წურწუმია ნიკა ციცქიშვილი ნინო ჯაღმაიძე ავთანდილ ჩხეტია ვლადიმერ გიგოლაშვილი „გირჩი“ აცხადებს, რომ კანდიდატები შეარჩია პრაიმერისის გზით, რომელიც ამ პარტიისთვის დამახასიათებელი წესით ჩატარდა. „გირჩელებს“, იმისდა მიხედვით, თუ რა წვლილი აქვთ შეტანილი პარტიის გაძლიერებაში, ერიცხებათ „გირჩის“ ციფრული ვალუტა - ჯედი, ანუ ქართული დოლარი. შესაბამისად, „გირჩის“ პრაიმერისში „გირჩელებს“ აქვთ არა ერთი ხმა, არამედ საკუთარი ჯედების შესაბამისი წონის ხმა. საკუთარი ჯედების რაოდენობას პრაიმერისში მონაწილე „გირჩელი“ ანაწილებს მისთვის სასურველ კანდიდატებზე“, - წერდა ოპოზიციური პარტია პრაიმერისის დაწყებამდე. ამ დროისთვის „გირჩის“ გარდა, პარტიული სია მხოლოდ „ქართულმა ოცნებამ“ გამოაქვეყნა, ისიც ნაწილობრივ - პირველი ოცეული. ასევე ნახეთ "ქართული ოცნების" სიის პირველი ნომერი ბიძინა ივანიშვილია საქართველოში საპარლამენტო არჩევნები 26 ოქტომბერს გაიმართება. დეპუტატებს მხოლოდ პროპორციული სისტემით აირჩევენ. პარლამენტის წევრთა მანდატები განაწილდება იმ პოლიტიკურ პარტიებზე, რომლებიც 5%-იან ბარიერს გადალახავენ. ...