„დადგენილია, რომ სამივე დაკავებული უშუალოდ უძღვებოდა და აკონტროლებდა მათ დაქვემდებარებაში მყოფი პირების დანაშაულებრივ საქმიანობას, მათ შორის ანაწილებდნენ როლებს და უქმნიდნენ მათ სათანადო პირობებს დანაშაულებრივი საქმიანობის ეფექტურად წარმართვისთვის“, - აღნიშნა პროკურორმა. მისი თქმით, პროკურატურამ ქოლცენტრების საქმეზე ბოლო პერიოდში ბრალი წაუყენა ხუთ ადამიანს, მათგან ორის ვინაობა ცნობილია (ელდარ ბინიაშვილი და დავით თოდუა). ორივე საქართველოს მოქალაქეა, თუმცა არცერთი მათგანი არ იმყოფება საქართველოში და მათ დასაკავებლად ძებნა გამოცხადდა. თაღლითობისა და უკანონო შემოსავლის ლეგალიზაციისთვის საქართველოს კანონმდებლობით შვიდიდან ცხრა წლამდე პატიმრობაა გათვალისწინებული. პროკურორმა ბექა კვიციანმა გაიმეორა რამდენიმე დღის წინ, 6 სექტემბერს, ბრიფინგზე გაჟღერებული ინფორმაცია, რომლის მიხედვითაც, „მორგან ლიმიტედის“ სახელით მოქმედი თაღლითური ქოლცენტრის ერთ-ერთმა ხელმძღვანელმა, ევროპელი მოსახლეობისგან თანხების თაღლითურად დაუფლების პერიოდში, ჯამში ერთ მილიონ დოლარზე მეტი თანხა ჩარიცხა დავით კეზერაშვილის, კეზერაშვილის დის და კეზერაშვილის დის შვილის საბანკო ანგარიშებზე“. ასევე ნახეთ პროკურატურის ცნობით, თაღლითური ქოლ-ცენტრის ხელმძღვანელმა თანხა კეზერაშვილის ანგარიშზე ჩარიცხა პროკურატურის მტკიცებით, ორგანიზებული დანაშაულებრივი ჯგუფის წევრები თაღლითურად დაეუფლნენ გერმანიის ფედერაციული რესპუბლიკის, სლოვენიისა და სლოვაკეთის რესპუბლიკების მოქალაქეების კუთვნილ, დაახლოებით 3 170 000 ევროს. განცხადებაში ვკითხულობთ, რომ თაღლითური ქოლცენტრის ხელმძღვანელმა თანხის ნაწილი, მილიონ დოლარზე მეტი, საქართველოს თავდაცვის ყოფილი მინისტრის, დავით კეზერაშვილის ანგარიშზე ჩარიცხა. კეზერაშვილმა 7 სექტემბერს პროკურატურის გავრცელებულ ცნობებს „ცილისმწამებლური კამპანია“, „პოლიტიკურად მოტივირებული დევნა და მისი დისკრედიტაციის მორიგი მცდელობა“ უწოდა: „სახელმწიფოს პოლიტიკურ მოტივებს ადასტურებს პრემიერ-მინისტრ კობახიძის განცხადებაც, რომელიც პროკურატურის ბრიფინგს მალევე მოჰყვა, ასევე სამთავრობო მედიების მიერ პროკურატურის ბრალდებების ღიად პროპაგანდისტული მიზნებით გამოყენება“, - ნათქვამია დავით კეზერაშვილის განცხადებაში, რომელიც "ფორმულამ" გაავრცელა. ასევე ნახეთ "ჩემი დისკრედიტაციის მორიგი მცდელობაა" - კეზერაშვილი პროკურატურას პასუხობს ე.წ. ქოლცენტრების საქმემ საქართველოში განსაკუთრებული აქტუალობა მას შემდეგ შეიძინა, რაც BBC-მ ამ თემაზე ჟურნალისტური გამოძიება მოამზადა. ჟურნალისტურ გამოძიებაში მასშტაბური თაღლითური სქემის ერთ-ერთ მთავარ ფიგურანტად საქართველოს თავდაცვის ყოფილი მინისტრი, ტელეკომპანია „ფორმულის“ დამფუძნებელი დავით კეზერაშვილია დასახელებული. BBC-ს...