"ძლიერი საქართველოს" ლიდერის, მამუკა ხაზარაძის განცხადებით, დღევანდელი შეხვედრა ისევ კონკრეტული შედეგის გარეშე დასრულდა, თუმცა თქვა, რომ მსჯელობა ხვალ "სამუშაო მდგომარეობაში", ისევ პრეზიდენტ სალომე ზურაბიშვილთან ერთად გაგრძელდება. "არ არის მარტივი მოლაპარაკება. შეიძლება ითქვას, რომ პრინციპულად ახლოს ვართ. აქვე მინდა გითხრათ, რომ არანაირ თანამდებობებზე ან სიებზე საუბარი არ არის. აქ ლაპარაკია, როგორ უნდა დავამარცხოთ "ქართული ოცნება", რა უნდა გავაკეთოთ, რომ არ დაბრუნდეს ძველი ხელისუფლება, როგორ შევქმნათ ახალი რეალობა, რათა ძალიან მალე გაკეთდეს [ქართული] "ქარტიით" განსაზღვრული რეფორმები", - თქვა ხაზარაძემ და მადლობა გადაუხადა სალომე ზურაბიშვილსა და გიორგი გახარიას "რთული, მაგრამ კონსტრუქციული" მოლაპარაკებისთვის. პარტია "საქართველოსთვის" ლიდერმა გიორგი გახარიამ შეხვედრის შემდეგ ჟურნალისტებს უთხრა, რომ გარკვეულ საკითხებზე მსჯელობა ხვალ, დღის განმავლობაში, გაგრძელდება. "[მოლაპარაკება] ჯერ არ დასრულებულა. ძალიან დიდი იმედი მქონდა, რომ დღეს დასრულდებოდა. დასრულდება ხვალ. გარკვეული შეთანხმებები შედგა, არის რაღაც საკითხები, რომელიც დასასრულებელია. გუშინ ვთქვი, რომ დარჩენილი იყო საკითხი, რაც ეხებოდა პარიტეტს. გამოსავალი ვნახეთ. ახლა კიდევ არის საკითხები, რომელიც ხვალ, დღის განმავლობაში, წესით დასრულდება, შეთანხმება იქნება მიღწეული", - თქვა გიორგი გახარიამ და დაამატა, რომ ხვალაც მივა პრეზიდენტ სალომე ზურაბიშვილთან შეხვედრაზე. ასევე ნახეთ ახალი ცენტრი ორი პოლუსის წინააღმდეგ - რაზე შეთანხმდნენ გახარია და ხაზარაძე პრეზიდენტმა სალომე ზურაბიშვილმა საპარლამენტო არჩევნების წინ ერთ საარჩევნო სუბიექტად გაერთიანებისკენ მოუწოდა გიორგი გახარიასა და მამუკა ხაზარაძის პარტიებს. „გადაწყვეტილება ორი პროევროპული ძალის ("ძლიერი საქართველოს" და "გახარია საქართველოსთვის") ხელშია. ვიმედოვნებ, რომ ქვეყნის ესოდენ მნიშვნელოვან მომენტში შეძლებენ გადადგან ის ნაბიჯი, რომელიც ამომრჩეველს მეტ სიცხადეს, მეტ გარკვეულობას და მეტი ძალის განცდას მისცემს. ნაბიჯი, რომელიც ასევე დაარწმუნებს ამომრჩეველს, რომ შეუძლიათ პოლიტიკურ პარტიებს ქვეყნის გადარჩენის გულისთვის ბევრი რამ დათმონ და უმნიშვნელოვანესი როლი ითამაშონ ევროპული მომავლის გადარჩენაში, რასაც არავინ დაუვიწყებს მათ“, - თქვა პრეზიდენტმა 16 სექტემბერს. მამუკა ხაზარაძე პოლიტიკაში წავიდა 2019 წელს, როცა პროკურატურაში მის წინააღმდეგ საქმე აღიძრა ე.წ. ფულის გათეთრებაზე. ხაზარაძე ამბობდა, რომ გიორგი გახარიამ შინაგან საქმეთა მინისტრის თანამდებობაზე მუშაობის დროს, 2018 წლის საპრეზიდენტო არჩევნების მეორე ტურის წინ მას მუქარის შემცველი წერილი ...