დღეს, 19 სექტემბერს, რუსეთმა უკრაინაზე რაკეტებით და დრონებით მორიგი იერიში მიიტანა. მსხვერპლია მშვიდობიან მოსახლეობაში. ზაპოროჟიეს ოლქის სამხედრო ადმინისტრაციის ინფორმაციით, დაიღუპა ერთი და დაიჭრა ორი ადამიანი. ზაპოროჟიეს რაიონის ორ დასახლებულ პუნქტში დაზიანებულია კერძო სახლები. სულ მცირე, ორი ადამიანი დაიღუპა და ორი დაიჭრა სუმის ოლქში. უკრაინის საჰაერო ძალების მიერ დილით გამოქვეყნებული მონაცემებით, ღამის განმავლობაში რუსეთის საოკუპაციო ძალებმა უკრაინის რეგიონებს შეუტიეს სამი საზენიტო მართვადი რაკეტით და ერთი მართვადი საავიაციო რაკეტით. საჰაერო ძალების თანახმად, მოწინააღმდეგემ გამოიყენა 42 უპილოტო საფრენი აპარატიც. ოფიციალური მონაცემებით, უკრაინელმა სამხედროებმა ჩამოაგდეს ყველა დრონი და ერთი რაკეტა. ...