გერმანიის თავდაცვის სამინისტრო იტყობინება, რომ უკრაინას გადასცა სამხედრო დახმარების ახალი პარტია, რომელშიც, სხვათა შორის, შედის 22 ტანკი Leopard 1 А5. ცნობაში, რომელსაც ბუნდესვერი თავის საიტზე აქვეყნებს, ნათქვამია, რომ ახალი პარტიის გათვალისწინებით, უკრაინის შეიარაღებულმა ძალებმა გერმანიისგან უკვე მიიღო 80 ტანკი Leopard 1 А5. იარაღის მიწოდება ხორციელდება დანიის მთავრობასთან თანამშრომლობით. გარდა ამისა, დახმარების ახალ პაკეტში შედის 60 ათასზე მეტი 155-მილიმეტრიანი ჭურვი. ადრე იტყობინებოდნენ, რომ ასეთი ჭურვები ერთ-ერთი ყველაზე უფრო აუცილებელი კომპონენტია უკრაინის არმიისთვის. ასევე ნახეთ Reuters: ინდოეთში წარმოებული საბრძოლო მასალა კვლავ მიეწოდება უკრაინას, რუსეთის პროტესტის მიუხედავად ბუნდესვერის თანახმად, უკრაინისთვის გერმანიის სამხედრო დახმარება 28 მილიარდ ევროს შეადგენს. მაგრამ ამ თანხაში შედის როგორც უკვე მიწოდებული შეიარაღება, ისე სამომავლოდ დაგეგმილი დახმარება. გერმანიის ფინანსთა სამინისტროს ამასწინანდელ წერილში, რომელსაც Reuters-ი გაეცნო, ნათქვამია, რომ ბერლინს გადაწყვეტილი აქვს, დაამტკიცოს უკრაინის სამხედრო დახმარების მორიგი ტრანში 400 მილიონი ევროს ოდენობით. ასევე ნახეთ ინტერაქტიური რუკა: უკრაინის ჯარების შესვლა კურსკის ოლქში გამოცემა Army Technology-ის მონაცემებით, ომის განმავლობაში უკრაინის მოკავშირეებმა კიევს გადასცეს, შეჰპირდნენ, რომ გადასცემენ ან უკრაინის შეიარაღებული ძალებისთვის შეუკვეთეს 682-დან 819-მდე ტანკი. ამ სიაში შედის როგორც ძველი მოდელის Leopard-ები და საბჭოთა-რუსული Т-72-ები, ისე თანამედროვე Challenger 2-ები და M1A1 Abrams-ები. ...