"თავისუფლების მოედნის" განმარტებით, მამუკა ხაზარაძე მოლაპარაკების პროცესში კოალიციის ოთხივე სუბიექტს წარმოადგენს და მათი "ნდობით სარგებლობს". "პრეზიდენტ ზურაბიშვილის ძალისხმევა, რომელიც პოლიტიკური კონსენსუსის მიღწევისკენ არის მიმართული, განსაკუთრებულ პატივისცემას იმსახურებს. მამუკა ხაზარაძე მოლაპარაკების პროცესში ძლიერი საქართველოს ოთხივე სუბიექტს წარმოადგენს და ჩვენი ნდობით სარგებლობს. თავისუფლების მოედნის მკაფიო პოზიციას სხვადასხვა საკითხთან მიმართებით არასოდეს შეუშლია ხელი ჩვენთვის ღია ვყოფილიყავით დიალოგისთვის. ჩვენ ყოველთვის დავუჭერთ მხარს ნებისმიერ ნაბიჯს, გადაწყვეტილებას თუ შეთანხმებას, რომელიც ხელს უწყობს საქართველოს დემოკრატიულ განვითარებასა და ევროპულ მომავალს", - წერია განცხადებაში. ათონელის რეზიდენციაში პრეზიდენტ სალომე ზურაბიშვილის ინიციატივით გამართული სამდღიანი მოლაპარაკებების შემდეგ, 19 სექტემბერს, ცნობილი გახდა, რომ შეთანხმება ვერ შედგა პარტიას "საქართველოსთვის" და კოალიცია "ძლიერ საქართველოს" შორის. მიუხედავად ამისა, თავად პრეზიდენტის ინიციატივით, დღის ბოლოს მამუკა ხაზარაძე და გიორგი გახარია კვლავ მივიდნენ სალომე ზურაბიშვილთან შეხვედრაზე. ამის შესახებ ინფორმაცია რადიო თავისუფლებას პარტია "ლელოში" დაუდასტურეს. მათი თქმით, "ძლიერი საქართველოს" მხრიდან საკითხი კვლავ ღია რჩება და ისინი მზად არიან, ხელი მოაწერონ შეთანხმებას. პარტია "ლელოს" წევრმა ირაკლი კუპრაძემ "ტვ პირველის" ეთერში, გადაცემა რეაქციაში" თქვა, რომ პრეზიდენტთან ბოლო შეხვედრის უდიდესი ნაწილი "თავისუფლების მოედნის" ლიდერის, ლევან ცუცქირიძის განცხადებას დაეთმო. "მე ვიცი, რომ იყო ბევრი მცდელობა, საკითხი დაბრუნებოდა შესაბამის პრინციპებს, პირობებს. ვიცი ისიც, რომ შეხვედრის 80% დაეთმო ლევან ცუცქირიძის განცხადების განხილვას. ვწუხვარ ამ დაკარგულ შესაძლებლობის გამო", - თქვა მან. ასევე ნახეთ გახდა თუ არა პარიტეტზე შეუთანხმებლობა გახარიასთან მოლაპარაკების ჩაშლის მიზეზი? - ხაზარაძის პასუხი განცხადებაში, რომელიც 19 სექტემბერს, შუადღისას საქართველოს ყოფილი პრემიერ-მინისტრის პარტიამ გაავრცელა, ვკითხულობთ, რომ, როგორც ჩანს, მეორე მხარემ შიდა კონსენსუსს ვერ მიაღწია. პარტია მადლობას უხდის „ლელოს“ და პრეზიდენტ სალომე ზურაბიშვილს და აცხადებს, რომ ამ ეტაპზე შეთანხმება ვერ შედგა. „ჩვენი პოლიტიკური გუნდისთვის სახელმწიფოსა და ჩვენი მოქალაქეების საერთო ეროვნული ინტერესები ყოველთვის იდგა უფრო მაღლა, ვიდრე რაიმე სახის პარტიული ან/და პერსონალური ინტერესი. ასე იყო წარსულში - ჩვენი ხელისუფლებაში ყოფნის დროს, ასეა დღეს - ოპოზიციაში, ასე იქნება მომავალში. აქედან გამომდინარე, ჩვე...