„უცხოური ძალის ინტერესების გამტარებელ ორგანიზაციათა რეესტრის წარმოების, საფინანსო დეკლარაციის წარდგენისა და მონიტორინგის წესის დამტკიცების შესახებ“ ბრძანებაში ცვლილება 51-ე დღეს შევიდა, როცა ორგანიზაციებისთვის უკვე ამოწურული იყო საკუთარი სურვილით სარეგისტრაციო განაცხადებით მიმართვის შესაძლებლობა. ასევე ნახეთ ბრძანება #1019 - ცნობილია, როგორ დაარეგისტრირებენ ორგანიზაციებს „აგენტების რეესტრში" იუსტიციის მინისტრი მედია და არასამთავრობო ორგანიზაციებისგან აღარ ითხოვს დასაქმებულთა პირად ნომრებს, თუმცა კვლავ აინტერესებს საბანკო მონაცემები და მათთვის დარიცხული ხელფასები. საქართველოს პრეზიდენტი, პარლამენტის ოპოზიციონერი დეპუტატები და არასამთავრობო და მედიაორგანიზაციები, რომლებმაც საკონსტიტუციო სასამართლოს მიმართეს, მიიჩნევენ, რომ მმართველი პარტიის, „ქართული ოცნების“ მიღებული კანონი კონსტიტუციას არღვევს, ეწინააღმდეგება ევროინტეგრაციის გაცხადებულ კურსს და მნიშვნელოვნად ლახავს მოქალაქეთა პირად სივრცეს. სასამართლომ ამ საქმეზე განმწესრიგებელი სხდომა უკვე გამართა. ერთ-ერთი საკითხი, რაც სადავო იყო თანამშრომელთა პერსონალური მონაცემების გასაჯაროებას შეეხებოდა, რისი ნაწილის წარდგენაც მინისტრის ახალი ბრძანებით ორგანიზაციებს აღარ ევალებათ. თუმცა ეს სასამართლო დავის მხოლოდ ერთი ნაწილია. საჩივრის ავტორები და მოქალაქეები სასამართლოს გადაწყვეტილებას - აჩერებს თუ არა კანონის მოქმედებას საკითხზე განხილვის დასრულებამდე - 20 დღეზე მეტია ელოდებიან. ასევე ნახეთ „აგენტების კანონის“ საქმეზე საკონსტიტუციო სასამართლოს განმწესრიგებელი სხდომა დასრულდა საერთაშორისო პარტნიორების მოწოდების მიუხედავად, საქართველოს პარლამენტმა 28 მაისს დაძლია პრეზიდენტის ვეტო „აგენტების კანონზე“. ეს კანონი უცხოური გავლენის ინტერესების გამტარებლად აცხადებს ყველა არასამთავრობო და მედიაორგანიზაციას, რომლებიც ქვეყნის სტრატეგიული პარტნიორებისგან იღებენ დაფინანსებას. ამ კანონის მიღების შემდეგ ევროკავშირმა და აშშ-მ, საქართველოს ყველაზე ახლო პარტნიორებმა, პროექტების ნაწილის დაფინანსება შეაჩერეს, რადგან მიიჩნევენ, რომ ქვეყანის ევროინტეგრაცია შეჩერებულია. საპირისპიროს ამტკიცებენ მმართველ პარტიაში, რომელთა ნაწილიც აშშ-მა დაასანქცირა „საქართველოში დემოკრატიის ძირის გამოთხრისთვის“. ...