რუსეთი არ მიიღებს მონაწილეობას სამშვიდობო სამიტში, რომლის ორგანიზებასაც უკრაინა წლის ბოლომდე გეგმავს. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა. მან სამიტს უწოდა "ანგლოსაქსებისა და მათი უკრაინელი მარიონეტების თაღლითობის კიდევ ერთი გამოვლინება". "ე.წ. მეორე სამიტი იგივე მიზანს ისახავს: გაათრიოს ზელენსკის აბსოლუტურად არასახარბიელო ფორმულა, როგორც კონფლიქტის მოგვარების უალტერნატივო საფუძველი, მოიპოვოს მისთვის მსოფლიო უმრავლესობის მხრიდან მხარდაჭერა და მისი სახელით რუსეთს წაუყენოს ულტიმატუმი კაპიტულაციის თაობაზე", - ნათქვამია ზახაროვას განცხადებაში. "მსოფლიო უმრავლესობაში" იგულისხმება ის ქვეყნები, რომლებიც არ შეუერთდნენ დასავლეთის ლიდერობით მოქმედ უკრაინის მხარდამჭერ კოალიციას. რიცხოვნობითა და მოსახლეობის საერთო რაოდენობით, ჩინეთისა და ინდოეთის ხარჯზე, “მსოფლიოს უმრავლესობა” აღემატება კიევის მოკავშირეებს. როგორც ბიბისი განმარტავს, "მსოფლიო უმრავლესობის" ქვეყნებს არ აქვთ ერთიანი პოზიცია რუსეთის ომზე უკრაინის წინააღმდეგ. ამასთან, რუსეთის საგარეო საქმეთა სამინისტროს წარმომადგენელმა აღნიშნა, რომ მოსკოვი უარს არ ამბობს " სერიოზულ წინადადებებზე”, რომლებშიც გათვალისწინებული იქნება ფრონტის ხაზზე არსებული ვითარება. მიმდინარე კვირის ბოლოს უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის გამარჯვების გეგმა ყველა ქვეყნისთვის იქნება ხელმისაწვდომი და ის უნდა ნახოს რუსეთმა, რომელიც ასევე უნდა იყოს წარმოდგენილი მშვიდობის მეორე სამიტზე. ასევე ნახეთ "გამარჯვების გეგმით" ზელენსკი "სამართლიანი მშვიდობის" მიღწევას აპირებს ...