23 სექტემბერს ისრაელმა ჰეზბოლას ასობით სამიზნის წინააღმდეგ განახორციელა საჰაერო დარტყმები, რასაც, ლიბანის მონაცემებით, ემსხვერპლა, სულ მცირე, 100 ადამიანი. მოქალაქეები გააფრთხილეს, დატოვონ არეალები, სადაც, ისრაელის თქმით, ჰეზბოლა იარაღს ინახავს. ისრაელმა გააძლიერა თავისი შეტევები, თითქმის ერთწლიანი კონფლიქტის განმავლობაში შედგა ცეცხლის ერთ-ერთი ყველაზე ინტენსიური გაცვლა საზღვრის ორივე მხრიდან. ამჟამად ისრაელს ყურადღება გადააქვს ჩრდილოეთის საზღვარზე, საიდანაც, ღაზაში მიმდინარე ომის ფონზე, ჰეზბოლა ისრაელში რაკეტებს ისვრის მოკავშირის, ჰამასის მხარდასაჭერად. ლიბანის ჯანდაცვის სამინისტროს მონაცემებით, 100-მდე დაღუპულს შორის არიან ბავშვები, ქალები და ექიმები, დაჭრილია 400-ზე მეტი პირი. ისრაელის არმია აცხადებს, რომ მიზანში ამოიღო ჰეზბოლას 300-ზე მეტი ობიექტი. ასევე ნახეთ ისრაელის პრემიერი: ლიბანმა პასუხისმგებლობა უნდა იკისროს მისი ტერიტორიიდან ნასროლ რაკეტებზე ...