რუსეთში უკანონო საჯარო ღონისძიების გამართვის ბრალდება წაუყენეს, სულ მცირე, ორ ქალს დაახლოებით 20-მდე ქალიდან, რომლებიც გასულ შაბათ-კვირას თავდაცვის სამინისტროს წინ ითხოვდნენ თავიანთი ქმრების და შვილების უკრაინიდან დაბრუნებას. ქალები პოლიციის განყოფილებაში დაიბარეს და დაკითხეს მას შემდეგ, რაც მათ თავიანთი მოთხოვნების შემცველი პლაკატები გაშალეს. ორ მათგანს, ანა ბოგაჩენკოს და ანასტასია სლავიკს, ბრალი წაუყენეს - იუწყება OVD-Info, რომელიც აკვირდება ადამიანის უფლებების დარღვევას რუსეთში. ქალები ითხოვდნენ შეხვედრას თავდაცვის მინისტრ ანდრეი ბელოუსოვთან და თავიანთი ოჯახების წევრების დემობილიზაციას. მოსკოვში 21 სექტემბერს გამართული აქცია დაემთხვა თარიღს - ორი წლის წინ ამ დღეს, პრეზიდენტმა ვლადიმირ პუტინმა "უკრაინაში შექმნილ ვითარებასთან დაკავშირებით" ნაწილობრივი მობილიზაცია გამოაცხადა. ასევე ნახეთ რუსეთის კანონმდებლობაში შეაქვთ მუხლი "რუსოფობიაზე" საზღვარგარეთ ...