წინასაარჩევნო შეკრებაზე ნანა მალაშხია პარტია "დროას" ლიდერმა ელენე ხოშტარიამ წარადგინა. "ერთხელ მითხრეს, შენ გააკეთე შენი მაქსიმუმიო, მაგრამ ქალი ევროკავშირის დროშით გადმოვიდა ფოტოდან და აგრძელებს ბრძოლას სამშობლოსთვის", - ამ სიტყვებით მიმართა მან ღონისძიებაზე შეკრებილ მხარდამჭერებს. მისივე სიტყვებით, ეს არ იყო მარტივი გადაწყვეტილება, მაგრამ მასში დაინახა შესაძლებლობა. "დავინახე შესაძლებლობა, რომ ამ გუნდთან ერთად ვიბრძოლო ამ ქვეყანაში ცვლილებებისთვის. ცვლილებებისთვის, რომელიც დაასრულებს ამ ქვეყანაში უიმედობას, ცვლილებებისათვის, რომელიც დაასრულებს ამ ქვეყანაში ირაციონალურ შიშს, ცვლილებები, რომელიც დაასრულებს ამ ქვეყანაში ზიზღსა და სიძულვილს, რომელიც "ქართულმა ოცნებამ" პოლიტიკურ იარაღად აქცია და დააკანონა კიდეც. ცვლილებები, რომელიც დაასრულებს ამ ქვეყანაში ერთპარტიულ მმართველობას, ავტორიტარიზმს და ბელადომანიას", - თქვა მან. 47 წლის ნანა მალაშხია, რომელიც მარტის აქციების ერთ-ერთ მთავარ სიმბოლოდ იქცა, საჯარო მოხელეა. ის თბილისის მერიაში, ერთ-ერთ საქალაქო სამსახურში, წამყვანი სპეციალისტის პოზიციაზე მუშაობს. renderExternalContent("https://www.youtube.com/embed/I3kZ3D06AXg?&&&fs=1&enablejsapi=1") ასევე ნახეთ თქვენი სახე გასცდა ერთი ფოტოს ჩარჩოს - ნანა მალაშხია ტოსკანის რეგიონულ საბჭოში ...