ისრაელის მთავრობამ ლიბანში მოქმედ გასამხედროებულ ისლამისტურ ორგანიზაცია ჰეზბოლასთან კონფლიქტის გამწვავების და მის წინააღმდეგ სამხედრო ოპერაციის გამო ისრაელის მთელ ტერიტორიაზე საგანგებო მდგომარეობა გამოაცხადა. 23 სექტემბერს, ღამით, მიღებული გადაწყვეტილების შესახებ ისრაელის მედია იუწყება. ეს რეჟიმი მთავრობას და არმიას ანიჭებს ფართო უფლებამოსილებას, საჭიროების შემთხვევაში, სამოქალაქო უფლებების შესაზღუდად. დღეს, 24 სექტემბერს, ისრაელის არმიამ განაცხადა, რომ ჰეზბოლამ ისრაელის ჩრდილოეთს კვლავ შეუტია 20-მდე რაკეტით, რომელთა ნაწილი მოიგერიეს, ნაწილი კი დაუსახლებელ ადგილას ჩამოვარდა. ისრაელის ავიაციამ ლიბანის ტერიტორიაზე საპასუხო იერიში მიიტანა. ჰეზბოლას თანახმად, შუაღამის შემდეგ რაკეტებით დაარტყეს ისრაელის ავიაბაზას, რომელიც ქალაქ აფულასთან მდებარეობს. შედეგების შესახებ მხარეები არაფერს იუწყებიან. ერთი დღით ადრე, 23 სექტემბერს, ისრაელის არმიამ ავიაგამანადგურებლებით და დრონებით ბოლო წლების განმავლობაში ყველაზე მასშტაბური იერიში მიიტანა ლიბანის სამხრეთზე და აღმოსავლეთში მდებარე ბეკაას ველის რაიონზე. ისრაელის თავდაცვის ძალების თანახმად, დაარტყეს ჰეზბოლას 1100-ზე მეტ ობიექტს, მათ შორის რაკეტების და დრონების საწყობებს. ასევე ნახეთ პენტაგონი: აშშ დამატებით ძალებს გზავნის ახლო აღმოსავლეთში, ისრაელსა და ჰეზბოლას შორის დაპირისპირების ზრდის ფონზე ისრაელის არმიის გენერალური შტაბის უფროსმა ჰერცი ჰალევიმ განაცხადა, რომ ოპერაცია გაგრძელდება და მისი სამიზნეა ინფრასტრუქტურა, რომელსაც ჰეზბოლა ისრაელთან საომრად ქმნიდა ბოლო ოცი წლის განმავლობაში. ლიბანის მთავრობის ინფორმაციით, 23 სექტემბერს ისრაელის ავიადარტყმების შედეგად დაიღუპა, სულ მცირე, 492 ადამიანი, მათ შორის 35 ბავშვი. ლიბანის სახელმწიფო მედიის ცნობით, დაჭრილია 1645 ადამიანი. ლიბანის ჯანდაცვის მინისტრ ფირას აბიადის განცხადებით, ათასობით ოჯახი იძულებული გახდა საომარი მოქმედებების ზონიდან გაქცეულიყო. აბიადმა BBC-ს განუცხადა, რომ ისრაელის მთავრობას განზრახული აქვს ესკალაცია და პროვოცირება. 23 სექტემბერს დილით, ლიბანელებმა, რომლებიც ქვეყნის სამხრეთში ცხოვრობენ, მიიღეს ხმოვანი და ტექსტური შეტყობინებები, რომ უნდა დატოვონო ჰეზბოლას კონტროლქვეშ მყოფი რაიონები და უსაფრთხო ადგილებში გადავიდნენ. იმავე დღეს, ისრაელის პრემიერ-მინისტრმა ბენიამინ ნეთანიაჰუმ ვიდეომიმართვა გაავრცელა და ჰეზბოლას მიერ კონტროლირებული რაიონების მცხოვრებთ დროებით ევაკუაციისკენ მოუწოდა. ნეთანიაჰუს განცხადებით, ისრაელი ებრძვის არა მშვიდობიან ხალხს, არამედ ჰეზბოლას, რომელიც დიდი ხანია მათ ფარად იყენებს. ლიბანის მთავრობამ ისრაელი ფსიქოლოგიურ ომშიც დაადანაშაულა. ასევე ნახეთ ისრაელმა ბეირუთს დაარტყა. სამიზნე ჰეზბოლას მეთაური იყო ლი...