დეპუტატობის კანდიდატთა პირველი ათეული პარტიის ლიდერმა შალვა ნათელაშვილმა ფეისბუკის ოფიციალურ გვერდზე გამოაქვეყნა. მან სიასთან ერთად გამოაქვეყნა კანდიდატების მობილური ტელეფონების ნომრებიც. "ლეიბორისტთა" სიაში სხვებთან ერთად არის პარტიის წევრი ბექა ნათელაშვილი, რომელიც შალვა ნათელაშვილის შვილია. „ლეიბორისტული პარტიის“ სია: შალვა ნათელაშვილი - „საქართველოს ლეიბორისტული პარტიის“ თავმჯდომარე; გიორგი გუგავა - პარტიის პოლიტიკური მდივანი; ლაშა ჩხარტიშვილი - პარტიის უფლებათა დაცვის ცენტრის ხელმძღვანელი; მიხეილ ქუმსიშვილი - პარტიის ეროვნული კომიტეტის წევრი, ახალგაზრდული მოძრაობის ლიდერი; ტარიელ კალანდარიშვილი - პარტიის ეროვნული კომიტეტის წევრი; ნიკოლოზ ვარდოშვილი - პარტიის ეროვნული კომიტეტის წევრი; ბექა ნათელაშვილი - დუშეთის მუნიციპალიტეტის საკრებულოს წევრი, პარტიის საერთაშორისო მდივანი; თემურ წიკლაური - პარტიის ეროვნული კომიტეტის წევრი; ირაკლი კიკვაძე - პარტიის იმერეთის რეგიონული ორგანიზაციის ხელმძღვანელი; დავით მამალაძე - ადვოკატი, პარტიის გურიის რეგიონული ორგანიზაციის ხელმძღვანელი. საარჩევნო კოდექსის თანახმად, ცესკოში წარდგენილ სიაში საქართველოს პარლამენტის წევრობის კანდიდატთა რაოდენობა არ უნდა იყოს 30-ზე ნაკლები და 200-ზე მეტი. ჯერჯერობით არ არის ცნობილი, რამდენი კანდიდატისგან შემდგარი სია წარადგინა „ლეიბორისტულმა პარტიამ“ ცესკოში. ასევე ნახეთ „სახლში ხომ ხართ კარგად?” - ნათელაშვილი გლდანის ბაზარში ასევე ნახეთ "ქართული ოცნების" პარტიული სია გამოქვეყნდა პოლიტიკურ პარტიებს ცესკოში პარტიული სიის წარსადგენად ვადა 26 სექტემბერს ეწურებათ. საქართველოში საპარლამენტო არჩევნები 26 ოქტომბერს გაიმართება. დეპუტატებს მხოლოდ პროპორციული სისტემით აირჩევენ. პარლამენტის წევრთა მანდატები განაწილდება იმ პოლიტიკურ პარტიებზე, რომლებიც 5%-იან ბარიერს გადალახავენ. ასევე ნახეთ „ძლიერმა საქართველომ“ პარტიული სიის შემადგენლობა დაასახელა  Banner - Counter -- INF-479-1-col ...