გერმანის ბუნდესტაგის - პარლამენტის - წევრებმა შეშფოთება გამოხატეს ბელარუსულ ვებგვერდზე გამოქვეყნებული ინფორმაციის გამო, რომლის თანახმად, აქტივისტები, რომლებსაც 2020 წელს ადმინისტრაციული სასჯელი დაადეს, მუშაობენ ხახვის პლანტაციებში, რომლებიც ეკუთვნის გერმანიის პარლამენტის დეპუტატის, ულტრამემარჯვენე პოპულისტური პარტიის, "ალტერნატივა გერმანიისთვის" წევრის კომპანიას. არსებული ცნობით, რომელიც Reform.news-მა გაავრცელა 24 სექტემბერს, იორგ დორნაუ არის ხახვის პლანტაციის მფლობელი დასავლეთ ბელარუსის ლიდას რაიონში. იქ მოხალისეობის პრინციპით მომუშავე პატიმრებს დღეში ხუთ ევროს უხდიან. საქსონიის პარლამენტის დეპუტატმა კერსტინ კიოდიცმა 26 სექტემბერს უთხრა რადიო თავისუფლებას, რომ თუ ეს ბრალდება დადასტურდა, დორნაუ უნდა გადადგეს. „ასეთმა ქმედებამ შეიძლება ზიანი მიაყენოს გერმანიის რეპუტაციას და ნაციზმის დროინდელი ძველი ჭრილობები გაუხსენოს ჩვენ აღმოსავლელ მეზობლებს“, - თქვა კიოდიცმა. ასევე ნახეთ ლუკაშენკა-პუტინს დასავლეთთან ჰიბრიდული ომი სურთ „ვაგნერის“ გამოყენებით? ...