27 სექტემბერს, სოხუმის დაცემის დღეს, საქართველოს პრემიერ-მინისტრმა ირაკლი კობახიძემ თბილისში, ტერიტორიული მთლიანობისთვის დაღუპულ გმირთა მემორიალთან, უპასუხა ჟურნალისტების შეკითხვას, რომელიც ეხებოდა „ქართული ოცნების“ საარჩევნო ბანერებზე რუსეთ-უკრაინის ომის შედეგების ამსახველი კადრების გამოყენებას. კობახიძეს ჰკითხეს: სოხუმის კადრები უკრაინას რომ გამოეყენებინა საარჩევნო მიზნებისთვის, თქვენთვის ეს იქნებოდა თუ არა მეგობრული ჟესტი ან მორალური საქციელი? „მე მახსოვს, უკრაინელები აქტიურად იყენებდნენ ამ კადრებს სხვადასხვა მიზნებისთვის, მათ შორის იუმორისტული მიზნებისთვის, მაგრამ ეს სხვა საკითხია. დღეს ჩვენ ვახსენებთ იმას, რა შედეგები მოჰყვება ომს ზოგადად და რა ავიცილეთ თავიდან ჩვენი ქვეყნისთვის 2022-2023 წლებში და უნდა ავიცილოთ თავიდან. ეს არის ყველაზე მნიშვნელოვანი ამ საპარლამენტო არჩევნების საფუძველზე და არჩევნების შემდეგ“, - თქვა მან. პრემიერ-მინისტრის თანახმად, მიუღებელია ის, რაც უკრაინაში ხდება. მან თქვა, რომ კომენტარს არ გააკეთებს უკრაინის საგარეო საქმეთა სამინისტროს განცხადებაზე. „რაც შეეხება ამ განცხადებას [უკრაინის საგარეო უწყების], ამაზე კომენტარს არ გავაკეთებ. რაც შეეხება ომისა და მშვიდობის შედარებას, ეს არის პრინციპული იმისათვის, რომ საზოგადოებამ გააკეთოს სწორი არჩევანი, რაც არის გამოსახული ამ სურათებზე, ის, რაც თავიდან ავირიდეთ ძალიან დიდი ბრძოლის ფასად. სხვათა შორის, 2022-2023 წლებში ჩვენს ქვეყანას ელოდებოდა იგივე ბედის გაზიარება, ჩვენ რომ სწორი ნაბიჯები არ გადაგვედგა. იგივეს აპირებენ ვიღაც ვიღაცები ამ საპარლამენტო არჩევნების შემდეგაც, თუ, ღმერთმა არ ქნას და, საზოგადოებამ მიიღო არასწორი გადაწყვეტილება... საზოგადოებამ კარგად უნდა გაიაზროს, რა არის ომის ფასი... - განაცხადა კობახიძემ და მიმართა მედიის ნაწილს, ოპოზიციას და არასამთავრობო ორგანიზაციებს, - საქართველოში უკრაინული სცენარის განხორციელებას ვერ ეღირსებით...“ ასევე ნახეთ "რა თქმა უნდა, "ქართული ოცნების" კამპანიაა" - პარტიაში საარჩევნო ბანერებს განმარტავენ 26 სექტემბერს თბილისში გამოჩნდა პარტია "ქართული ოცნების" საარჩევნო ბანერები წარწერით: "არა ომს, აირჩიე მშვიდობა". ზოგ ბანერზე მარცხენა მხარეს გამოსახულია უკრაინის დონეცკის ოლქის სოფელ ბოგოროდიჩნეში დაბომბვის შედეგად განადგურებული ტაძარი, მარჯვნივ კი თბილისის სამების ტაძარი. ბანერების მარცხენა მხარეს შავ-თეთრი ფოტოებია, მარჯვენა მხარეს კი - ფერადი. კიდევ ერთი პლაკატზე მარცხნივ გამოსახულია განადგურებული მარიუპოლის თეატრი, მარჯვნივ - სენაკის თეატრი, რომელიც "ქართული ოცნების" საპატიო თავმჯდომარის, ბიძინა ივანიშვილის მიერ დაფუძნებული "ქართუ ფონდის" მიერაა რეაბილიტირებული. ბ...