აშშ-ის პრეზიდენტობის კანდიდატმა დონალდ ტრამპმა განაცხადა, რომ ის უკრაინისთვის" სამართლიან მშვიდობას“ ემხრობა. თუმცა თავი შეიკავა დაკონკრეტებისგან, თუ რუსეთსა და უკრაინას შორის ომის დასრულების შესახებ როგორ შეთანხმებას მიიჩნევს სამართლიანად. "ჩვენ ორივეს გვინდა, რომ ეს დასრულდეს და ორივეს გვინდა სამართლიანი შეთანხმება. ის სამართლიანი უნდა იყოს. და მე ვფიქრობ, რომ საჭირო დროს ეს მოხდება", - განაცხადა შეხვედრის დასრულების შემდეგ დონალდ ტრამპმა. პარასკევს დონალდ ტრამპი უკრაინის პრეზიდენტ ვოლოდიმირ ზელენსკის „ტრამპ ტაუერში“ შეხვდა. ორ პოლიტიკოსს შორის შეხვედრა დაახლოებით 40 წუთს გაგრძელდა. თავის მხრივ, ვოლოდიმირ ზელენსკი მიიჩნევს, რომ საჭიროა ზეწოლა რუსეთის პრეზიდენტ ვლადიმირ პუტინზე. „ჩვენ ყველაფერი უნდა გავაკეთოთ იმისათვის, რომ მასზე ზეწოლა მოვახდინოთ, რომ ეს ომი შევაჩეროთ. ის (ომი) ჩვენს ტერიტორიაზეა. ყველაზე მნიშვნელოვანია, რომ ეს გვესმოდეს. ის ჩვენს ტერიტორიაზეა", - განაცხადა უკრაინის პრეზიდენტმა. არც ტრამპს და არც ზელენსკის საჯაროდ არ განუმარტავთ პოტენციური შეთანხმების დეტალები. ასევე ნახეთ ტრამპი აცხადებს, რომ აშშ-ს უკრაინის ომიდან გაიყვანს ტრამპისა და ზელენსკის შეხვედრა, სავარაუდოდ, 26 სექტემბერს იყო დაგეგმილი. თავად ტრამპის მხრიდან 26 სექტემბრამდე არ დადასტურებულა, რომ დაგეგმილია შეხვედრა უკრაინის პრეზიდენტთან. ბოლო დღეებში, საარჩევნო კამპანიის ფარგლებში გამართულ მიტინგებზე ტრამპმა ზელენსკი გააკრიტიკა, რომ მაშინაც კი, როცა უკრაინის ქალაქები განადგურებულია, უარს ამბობს შეთანხმების მიღწევაზე და „დედამიწაზე უდიდესი გამყიდველია“, რადგან აშშ-ში ყოველი ჩასვლის შემდეგ თან მიაქვს მილიარდობით დოლარი. ზელენსკის ვიზიტს აშშ-ში თან ახლდა სკანდალიც. კერძოდ, რესპუბლიკელების აღშფოთება გამოიწვია იმ ფაქტმა, რომ 22 სექტემბერს პენსილვანიის შტატში მდებარე საბრძოლო ჭურვების მწარმოებელ ქარხანაში პრეზიდენტ ზელენსკის სტუმრობისას იქ იმყოფებოდნენ მხოლოდ დემოკრატიული პარტიის წარმომადგენლები და არცერთი რესპუბლიკელი არ მიუწვევიათ. ამის გამო ამერიკის შეერთებული შტატების კონგრესის წარმომადგენელთა პალატის რესპუბლიკელმა სპიკერმა მაიკ ჯონსონმა ეჭვი შეიტანა შეერთებულ შტატებში უკრაინის ელჩის, ოქსანა მარკაროვას „პატიოსნებაში“ და დემოკრატების სასარგებლოდ „პარტიზანულ კამპანიაში" დაადანაშაულა. მაიკ ჯონსონმა საჯაროდ გამოაქვეყნა 25 სექტემბრით დათარიღებული წერილი, რომელიც უკრაინის პრეზიდენტ ვოლოდიმირ ზელენსკის გაუგზავნა. ჯონსონი ზელენსკისგან მოითხოვს ელჩის თანამდებობიდან მარკაროვას „დაუყოვნებლივ გათავისუფლებას". ასევე ნახეთ ჯონსონი ზელენსკისგან მოითხოვს, თანამდებობიდან დაითხოვოს უკრაინის ელჩი აშშ-ში ...