10-მდე გაიზარდა დაღესტნის დედაქალაქ მაჰაჩყალის მახლობლად, დაბა ნოვი ხუშეტის ავტოგასამართ სადგურზე მომხდარი აფეთქების შედეგად დაღუპულთა რაოდენობა. „კავკაზ.რეალიის“ ცნობით, დაღუპულთა ნაწილი მაშველებმა ნანგრევებიდან ამოიყვანეს. ფედერალურ ტრასა „კავკაზზე“ მდებარე ორი აფეთქება ავტოგასამართ სადგურ АЗС Plus-ში რუსეთის დროით საღამოს 17:30 საათზე მოხდა. დაუდასტურებელი ცნობებით, აფეთქების მიზეზი შეიძლება ბენზინის აალება გამხდარიყო. საგამოძიებო კომიტეტმა სისხლის სამართლის საქმე აღძრა ისეთი მომსახურების გაწევისთვის, რომელიც არ აკმაყოფილებს უსაფრთხოების მოთხოვნებს და ორი ან მეტი ადამიანის სიკვდილი გამოიწვია. ინციდენტის ადგილზე მივიდა დაღესტნის პრომოსკოვური ხელისუფლების ხელმძღვანელი სერგეი მელიკოვი. ასევე ნახეთ რა ხდება ჩეჩნეთსა და დაღესტანს შორის - ბზარი კავკასიაში? ...