აშშ-ში ქარიშხალ „ჰელენის“ შედეგად დაღუპულთა რაოდენობა 44-მდე გაიზარდა. ინფორმაციას ABC News-ი ავრცელებს. მათი ცნობით, ქარიშხალს ჯორჯიის შტატში 15 ადამიანი ემსხვერპლა, ფლორიდაში - 9, სამხრეთ კაროლინაში - 17, ჩრდილოეთ კაროლინაში - ორი და ერთი ვირჯინიაში. ქარიშხლის შედეგად ქვეყნის სამხრეთში 4,6 მილიონი ადამიანი ელექტროენერგიის გარეშე დარჩა. ხეების დიდი ნაწილი ფესვებიანადაა ამოძირკვული. ქარიშხალს საშიშროების მეოთხე კატეგორია მიენიჭა. რიგ ადგილებში ქარიშხლის სიჩქარე საათში 225 კილომეტრს აღწევდა. შტატ ჯორჯიის გუბერნატორი, ბრაიან კემპი აცხადებს, რომ ათობით ადამიანია დარჩენილი სახლების ნანგრევებში და მათ გამოყვანას სამაშველო სამსახურები ცდილობენ. ქარიშხალმა წყალდიდობები გამოიწვია ფლორიდის, ჯორჯიის შტატებში, ჩრდილოეთ და სამხრეთ კაროლინაში. ქარიშხლების ეროვნულმა ცენტრმა მათ „უპრეცედენტო და კატასტროფული“ უწოდა. სამაშველო ოპერაციებში ჩართულია ეროვნული გვარდიაც. ...